姜濤首回應「我最喜愛」風波！爆花姐曾找他私下解釋：唔係咁嘅意思 Anson Lo海邊相惹討論：係佢嘅生活
發佈時間：13:42 2025-07-13 HKT
姜濤今日（13日）到尖沙咀出席服裝活動，對於花姐早前指「我最喜愛」的奬項等於沒有實力，由於姜濤與MIRROR過往亦曾獲得過多次「我最喜愛」獎項，故惹來鏡粉不滿，直指花姐踩自己公司的藝人，姜濤指要幫花姐澄清，他指每個人也知道花姐是為他們好：「佢講嗰番說話係中間剪咗出嚟，可能有啲前文後語，代表佢唔係真係咁樣嘅意思，因為佢嘅初心都係為我哋好。」
姜濤稱花姐曾找他為事件進行解釋
姜濤續指：「（斷章取義？）我未睇過完整片段，但花姐都有特登搵我講佢真係唔係咁嘅意思，話佢從來都冇諗乜嘢特別意思。」對於花姐的言論引起大家不滿，姜濤即笑說：「小心啲喇咁樣！其實我最擔心係佢，佢因為照顧我哋都遭受好多言論，所以我哋都希望呢件事快啲完，其實係一件好小嘅事。」至於過往經常是否有被花姐叫「小心啲」？姜濤直言已過了被花姐話的年紀，現在只是被提點。
相關閱讀：花姐指「攞我最喜愛獎即係冇實力」 姜濤與MIRROR曾奪同一獎項言論遭鏡粉狂轟：王菲學友都冇實力？
今次活動有近千姜糖（粉絲暱稱）到場支持，場面墟冚，更有警察維持秩序。活動於戶外場地舉行，現場氣溫超過30度，令一邊玩遊戲一邊熱到不停抹汗。姜濤受訪時表示覺得今天好天氣，但熱好過淋雨，因事前一直擔心天氣狀況。姜濤指平時會飲水及噴清涼噴霧消暑，但飲水就不會飲凍水，而是飲常溫水，因凍水對腸胃不好，問到於會否游水消暑，他指夏天怕熱所以不會游水，而冬天怕凍也不會游水，自己只會打波，又指昨日也有去打波。姜濤早前因頭痛要食藥，姜濤指已好返，談到手上的傷勢，他表示有點疤，但OK的，問到會否去做去疤療程？他說：「男仔有啲疤冇乜所謂！」
對於盧覓雪在姜濤發生墮海事件後，於節目中指他「情緒冇問題，智商應該有啲問題」，姜濤坦言沒留意太多：「公司叫我盡量唔好上網睇，驚影響我心情，所以我都冇乜太過留意，所有評論一定有佢嘅主觀性，不過我哋都會用一個客觀心態去睇自己。」姜濤又指跟盧覓雪不熟，有機會也想認識。至於對質疑他墮海的講法，姜濤指正常，因為公眾人物有很多被猜測和質疑的地方，自己也覺得合理，問到是否覺得委屈？他說：「過咗嗰個年紀，唔會有咩委屈。（而家心理質素好好？）時間浸出嚟！」出事後毛舜筠曾以短訊慰問，姜濤表示好多謝對方，又謂其實有很多前輩也關心自己，也很感激他們：「因為呢件事我都睇到身邊有好多人真係好關心我，所以我覺得係好事嚟嘅。」
另外，早前Anson Lo與隊友一起食飯慶祝生日，但姜濤沒有出席，他指當日要綵排，加上有自己的事情要忙着做，所以缺席，自己也很想去，但私底下也有跟對方講生日快樂及有送生日蛋糕給對方，至於Anson Lo在姜濤墮海後貼出在海邊的照片惹來討論，姜濤表示那只是巧合，因為了解Anson Lo的人都會知道他喜歡在海邊影相：「無論係呢件事之前定之後，呢個係佢嘅生活，所以我哋唔可以用呢啲嘢去質疑人哋有啲咩問題，（有冇唔開心或介意？）冇，過咗嗰個介意嘅年紀，我而家係所有嘢都接受同埋睇開咗好多嘅年紀，唔係心理係心靈上。」
