陳豪自爆曾胡亂揮霍 賺錢養家背負責任認有壓力 懶理吸金王稱號：我仲係嗰個阿Mo
發佈時間：17:00 2025-07-04 HKT
54歲TVB視帝陳豪（Moses）與陳茵媺（Aimee）結婚12年，二人育有兩子一女，陳茵媺榮升人母後，便淡出幕前照顧家庭。早前有報道指陳豪要獨力養家，在市道低迷下「死頂」5間自家品牌咖啡店，導致壓力爆煲，開工現疲態。陳豪近日接受傳媒訪問時，自爆曾試過胡亂揮霍日子，現時為家庭會做好每一刻，過得無憂無慮。
陳豪賺錢享受生活
陳豪回想當年做模特兒時期，坦言賺了很多錢：「花費很多，亂花錢，過享受生活的人生。從第一次出來工作賺錢，賺咗好多錢，飲飲食食、出去玩、請朋友，有時唔理荷包有幾多錢之下，只懂得胡亂揮霍享樂，到處去旅行。」
相關閱讀：陳豪跟仔女學普通話 自嘲Keep到水準係特色 將舉家到加拿大放暑假
陳豪九個月冇工作
陳豪慶幸當時年輕，已經歷過有錢、沒錢時期：「可能試過半年、九個月冇工開，試過轉行做其他嘢，嗰啲我會視為冇乜錢嘅階段。後嚟開始進入電視台，一開始人工好低，但我逐步逐步慢慢做嘅話，開始累積年資，有機會儲一啲錢，開始學會點樣理財，主要係個人學會乜嘢叫價值點樣幫自己。發覺要開始為自己嘅人生，創造另外一頁。」
陳豪厭棄過往自己
陳豪對過往的自己開始厭棄，不想再玩下去：「我想努力做事，想為自己建立另外一個人生。我同大家一樣，生活上冇壓力其實冇可能，每個人都背住好多唔同嘅責任。」對於有指陳豪覺得很負面，壓力爆煲，陳豪否認：「唔係，我阿Mo依然都係嗰個阿Mo，生活過得好好，唔係大家所講，要擔心呢樣，又擔心嗰樣。No No No I am OK，我哋屋企過得無憂無慮，好開心。」
陳豪盡量做好工作
至於「吸金王」稱號，陳豪認為只要盡量做好每一個工作，做好每一個自己，希望明天的自己會做得比今天的自己好。陳豪說：「我唔會話有咩改變，多咗Job嘅話，突然間變間囂（張）晒呀，唔係嗰樣嘢。有嘢做、冇嘢做都一樣，只係多個稱號，多到數唔完，我從來都唔會受嗰啲影響。」
陳茵媺愛買Hermès
陳豪與老婆陳茵媺於2013年結婚，二人非常恩愛，陳豪一劇接一劇，又有不少內地工作，密密賺錢養家，獨力支撐全家開銷。陳豪一家居於淺水灣大屋，三名子女就讀國際學校，加上陳茵媺熱愛購買Hermès手袋，可見陳豪每月花費龐大。
相關閱讀：陳豪與太太財政透明 : 佢嘅係私己錢，我嘅係大家錢 唐詩詠未能衝破心理關口舞台劇只穿內衣
