黃竣鋒還原被襲事件餘悸猶存 遇襲並非「點錯相」 細節令人震驚：眼球險被斬爆
更新時間：16:35 2025-07-02 HKT
發佈時間：16:35 2025-07-02 HKT
發佈時間：16:35 2025-07-02 HKT
字體大小
44歲前亞視藝人黃竣鋒2022年8月底在「大佬B」吳志雄深圳開設的餐廳內遇襲，遭兇徒連斬3刀，面部、左手及左腰嚴重受傷，一度有生命危險，他更形容自己被斬後見到「面皮跌咗落嚟」，險些連眼球都被斬爆，需要緊急送院救治。黃竣曾在遇襲後曾發聲明，表示遇襲是一次無妄之災，並強調「與兇徒並不認識，亦無結怨」。
黃竣鋒還原被襲事件餘悸猶存
黃竣鋒近日加入陳百祥領軍的「精裝明星足球隊」並在球隊的官方抖音還原事件的經過，重提被襲一事，黃竣鋒餘悸猶存地表示自己遇襲實屬冤枉，但兇徒並非「點錯相」，而是因吸毒而產生幻覺，將他當成戲中的角色：「佢睇過我套戲《追龍》，公仔強（角色名字）似佢阿叔，佢代入咗，先入為主。佢知道係要斬你，唔係無啦啦斬人，佢係有預謀㗎。」
相關閱讀：46歲前亞視男星突自爆身受重傷：內外傷都齊！曾被連劈3刀險斬爆眼球
黃竣鋒還原被襲事件經過：
黃竣鋒一臉凝重稱有預謀
黃竣鋒一臉凝重說：「佢呢個人吸毒運毒，有幻覺，我哋行過去路邊，佢咪喺出面衝過嚟。」再問被斬時有否直接點名「黃竣鋒」？他說：「冇呀，佢知架，佢產生幻覺，佢睇我拍過套戲《追龍》，公仔強（角色名字）似佢阿叔，佢已經代入咗，先入為主，佢知道係要斬你，佢係知嘅，佢係有預謀，唔知無端端要斬你。」
黃竣鋒臉上留有疤痕幸康復理想
黃竣鋒續說：「佢去買刀，買完架生，之後再去食咳藥水，要壯膽嘅，佢唔係話無啦啦，佢知道你喺度，佢覺得我係佢仇人，但佢又吸咗毒。（入戲太深產生幻覺？）係，係不幸中之大幸，係冇可避免。」黃竣鋒的臉上留有疤痕，但幸好康復情況理想。黃竣鋒曾透露案件已經判定兇徒故意殺人罪，判囚十年。
相關閱讀：黃竣鋒深圳大佬B餐廳被斬案兇徒判囚10年 新相臉部疤痕明顯感謝古天樂雪中送炭
李亦喬分享巴士奇遇？
最Hit
前TVB星二代自認敗家仔貼錢打工：深入民心 曾收藏一打座駕 獲Do姐「救」一命？
2025-07-03 11:00 HKT
65歲三屆金像影后認曾整容「臉上縫89針」 曾患抑鬱5年不出門 自言現在「走路都不行」
2025-07-03 12:04 HKT
充電寶新規︱港版小米「尿袋」無3C認證？深圳地鐵/高鐵入安檢有問題？官方咁回應（附CCC認證解釋/分真假方式）
2025-07-03 13:22 HKT
羅湖口岸直擊｜新增小行李通道過關分流 港人讚便捷：不用再彎腰執袋
2025-07-03 13:10 HKT
