前TVB男星斥阿豬阿狗又搞演唱會點名4天王呻樂壇唔健康聞夏韶聲開騷：做咩演唱會啫

更新時間：15:30 2025-06-29 HKT
發佈時間：15:30 2025-06-29 HKT

著名填詞人黎彼得轉型多年曾加入TVB拍劇，但自從離巢後，便在YouTube開設網上節目《玖噏秘笈》，不時發表「偉論」，評論圈中生態，曾斥MIRROR「唔係歌星嚟嘅」，更批評他們十多人在台上跳唱，演唱會門票昂貴：「係唔健康嘅嘢！」甚至表示不知誰是張敬軒，引來不少網民批評他脫節。而近日他再拍片分享近來很多歌手開演唱會的現象，又發表自己的見解，表示：「而家阿豬阿狗都搞演唱會！」甚至點名多位男歌手。

黎彼得見夏韶聲重出江湖好感慨

黎彼得分享，近日得知夏韶聲重出江湖將在紅館舉行退休前最後一個演唱會，他覺得好感慨，他說：「佢而家真係好笑喎，無端端重出江湖，做咩演唱會啫？」黎彼得指當年夏韶聲有很多知名金曲，但直至現時才再開紅館演唱會，令他感奇怪，「最紅嗰陣又唔見佢開演唱會。」

相關閱讀：黎彼得突點名MIRROR連珠炮發：都唔係歌星嚟三字形容伍仲衡狂焫火頭

黎彼得再評樂壇生態自認脫節？

黎彼得：個樂壇好唔健康，亂晒龍

黎彼得表示，有香港演唱會之父稱號的張耀榮曾指，開演唱會要開三場或以上才有賺，開一場只會蝕本，開兩場亦只能歸本。黎彼得指以前開演唱會不易，出專輯有新歌就開演唱會讓人來「朝聖」，但現時他認為有另一現象：「而家唔係，阿豬阿狗又搞演唱會，搞乜鬼嘢呀……早輪仲衰，阿麟又話東莞演唱會要取消、陳奕迅喺台灣又話病，劉德華仲好笑，無端端有危險，幾乎有意外，咁有意外就好大鑊㗎嘛！早輪又話張學友破產呀，唔搞演唱會喇，而家都唔知……個樂壇好唔健康，亂晒龍。」

黎彼得認自己已脫節

有網民留言提醒，傳聞張學友破產一事是假新聞，張學友也早已澄清，認為黎彼得應該先查清資料才拍片，以免誤導不知詳情的網民。但其實黎彼得也在片中承認自己非常脫節，他說：「因為而家脫離咗呢個圈子，少少似局外人咁，好多時同啲朋友一齊食飯，啲話題都唔係好啱傾，因為我out咗啦嘛，同埋年紀又大，同埋又冇接觸呢行啲人，我而家唔知咩身份……我而家係YouTuber？KOL？抑或藝員呢？我自己都唔知邊個，只係一個觀眾嚟。」未知是否想告訴網民不要太在意他的說話而湧來批評他。