前TVB男星斥阿猪阿狗又搞演唱会点名4天王呻乐坛唔健康闻夏韶声开骚：做咩演唱会啫

更新时间：15:30 2025-06-29 HKT
发布时间：15:30 2025-06-29 HKT

著名填词人黎彼得转型多年曾加入TVB拍剧，但自从离巢后，便在YouTube开设网上节目《玖噏秘笈》，不时发表「伟论」，评论圈中生态，曾斥MIRROR「唔系歌星嚟嘅」，更批评他们十多人在台上跳唱，演唱会门票昂贵：「系唔健康嘅嘢！」甚至表示不知谁是张敬轩，引来不少网民批评他脱节。而近日他再拍片分享近来很多歌手开演唱会的现象，又发表自己的见解，表示：「而家阿猪阿狗都搞演唱会！」甚至点名多位男歌手。

黎彼得见夏韶声重出江湖好感慨

黎彼得分享，近日得知夏韶声重出江湖将在红馆举行退休前最后一个演唱会，他觉得好感慨，他说：「佢而家真系好笑㖞，无端端重出江湖，做咩演唱会啫？」黎彼得指当年夏韶声有很多知名金曲，但直至现时才再开红馆演唱会，令他感奇怪，「最红𠮶阵又唔见佢开演唱会。」

相关阅读：黎彼得突点名MIRROR连珠炮发：都唔系歌星嚟三字形容伍仲衡狂焫火头

黎彼得再评乐坛生态自认脱节？

黎彼得：个乐坛好唔健康，乱晒龙

黎彼得表示，有香港演唱会之父称号的张耀荣曾指，开演唱会要开三场或以上才有赚，开一场只会蚀本，开两场亦只能归本。黎彼得指以前开演唱会不易，出专辑有新歌就开演唱会让人来「朝圣」，但现时他认为有另一现象：「而家唔系，阿猪阿狗又搞演唱会，搞乜鬼嘢呀……早轮仲衰，阿麟又话东莞演唱会要取消、陈奕迅喺台湾又话病，刘德华仲好笑，无端端有危险，几乎有意外，咁有意外就好大镬㗎嘛！早轮又话张学友破产呀，唔搞演唱会喇，而家都唔知……个乐坛好唔健康，乱晒龙。」

黎彼得认自己已脱节

有网民留言提醒，传闻张学友破产一事是假新闻，张学友也早已澄清，认为黎彼得应该先查清资料才拍片，以免误导不知详情的网民。但其实黎彼得也在片中承认自己非常脱节，他说：「因为而家脱离咗呢个圈子，少少似局外人咁，好多时同啲朋友一齐食饭，啲话题都唔系好啱倾，因为我out咗啦嘛，同埋年纪又大，同埋又冇接触呢行啲人，我而家唔知咩身份……我而家系YouTuber？KOL？抑或艺员呢？我自己都唔知边个，只系一个观众嚟。」未知是否想告诉网民不要太在意他的说话而涌来批评他。