鳳凰女遭徒弟爆被逼移美晚年唔開心 90年代癌逝留千萬遺產 遺物藏村屋落雨冇人理：好臭
發佈時間：09:00 2025-06-29 HKT
已故粵劇名伶鳳凰女（原名郭瑞貞）的徒弟高麗近日接受YouTube頻道「江駿傑 水馬人會館 Aphros Studio」訪問，談及與鳳凰女相處的往事，大爆鳳凰女晚年不開心，指師傅根本不想移民美國生活。高麗更指，鳳凰女有很多遺物，部份在鳳凰女離世時隨她火化，但不少戲份卻被遺忘在一間村屋。
鳳凰女1992年因癌症逝世
鳳凰女早於30年代已成為正印花旦，在香港經歷完日佔時期後，她加入了馬師曾的勝利劇團，成為二幫花旦，演奸角更是深入民心。鳳凰女早年常與麥炳榮、梁醒波及譚蘭卿等粵劇名伶合作，惟後來拍檔逐一離世，加上80年代粵劇式微，鳳凰女轉型主持節目。鳳凰女後來移民美國，最終在1992年在三藩市離世，終年67歲。據當年TVB新聞報導鳳凰女離世原因，是於家中突然呼吸困難猝逝，而其他報章更指她留下千萬元遺產。而據她的徒弟高麗日前受訪分享，她指鳳凰女其實是因癌症離世，「其實係癌症，佢走嗰陣，我喺大馬做緊戲，坐喺度我個女問我咩事……傷心囉！」
相關閱讀：白雪仙跑馬地豪宅設宴排場驚人！巨型鮑魚款待親友夠闊綽 80歲愛徒龍劍笙現身狀態令人震驚
鳳凰女被徒弟爆晚年移美不開心？
鳳凰女不想移民美國
鳳凰女徒弟高麗指，當年鳳凰女其實不想移民美國生活。她說：「佢唔想過（美國）㗎！佢喺香港有咁多朋友，喺美國有咩朋友啫，有朋友你又唔識揸車，點樣搵呀！佢唔鍾意㗎，不過佢個女要佢過去，冇辦法。最後喇……到期，你唔去就要取消，佢其實唔開心。」高麗表示，在鳳凰女移民後，她不時致電問候對方，直覺認為鳳凰女常常在等她的電話，「逢生日我一家打畀佢，所以佢好似唔瞓咁等我電話㗎！」
相關閱讀：梁醒波88歲女兒赴晚宴露慈祥精靈笑容 近年兩度跌倒 加國返港住大屋
粵劇老倌文千歲激罕現身移居美國逾10年？
鳳凰女躺兩層高靚棺木出殯
高麗表示，鳳凰女的棺木非常大，有兩層高，足夠她放很多生前戲服陪葬。高麗說：「我聽師傅個女（Mabel姐）講，女姐叫佢唔好要最貴嘅（棺木），佢要第二貴嘅，所以個棺木咁靚。咁而家佢個女都走埋啦……」高麗保留了很多鳳凰女的戲服，但原來這些鳳凰女的遺物得來不易，高麗指鳳凰女部份戲服都在她離世時用於陪葬，以及由她家人捐給博物館展覽，但不少鳳凰女的戲服其實曾留在一間村屋內。她說：「因為女姐隔離有間村屋，擺好多戲服，有人話『女姐啲戲服喺嗰度，又落雨又冇人理喎』，咁我咪去睇吓囉！嗰間屋好臭嘅，啲黃泥痴住我啲腳，又畀我喺啲箱度搵返多少戲服啦！」高麗清潔過這些戲服，好好保存至今。
相關閱讀：83歲阿嗲梅雪詩現身大老倌壽宴！面色紅潤精神好 曾染罕見惡菌暴瘦30磅
「美艷親王」羅艷卿罕雍容華貴現身？
