前《愛回家》女星遭150度高溫電髮棒擊中面部額頭現燒焦痕跡恐留疤曝光脫皮傷口照

更新時間：16:00 2025-06-21 HKT
發佈時間：16:00 2025-06-21 HKT

31歲的梁茵（Kiko）因參演處境劇《愛．回家之開心速遞》，飾演「威龍潘金蓮」一角，打開知名度。梁茵於2021年10月離巢後，一度傳出財困，之後被發現在餐廳工作維生，兼做KOL保持曝光率。梁茵突然在IG自爆意外受傷，因傷及面部，恐會留下疤痕。

梁茵幸沒傷眼

梁茵昨日（20日）在IG的限時動態公開3張照片，第一張見到額上有燒焦的痕跡，亦見到脫皮的傷口，鼻樑又見到紅腫，狀甚嚇人。梁茵未有透露是否開工期間受傷，但疑是在內地出事，梁茵表示150度電髮棒擲中臉，所幸沒有傷及眼睛。

梁茵人為意外

梁茵打上長文透露事發經過：「今次真係要動用好多人力、物力幫我，修復返個傷口，從來都冇諗過150度電髮棒，可以從天而降跌落我個面上（額頭同埋鼻哥受傷）。不幸中大幸，冇傷到隻眼，我相信呢個都係一個意外，人總有失手嘅時候，我聽到一聲聲的道歉，不過我第一次遇到這個狀況，我都嚇到不停叫工作人員俾冰我，好驚個電髮棒，真係會有心理陰影」。

梁茵朋友慰問

梁茵對於自己意外受傷，感謝不少朋友慰問：「感謝大家集氣祝福／甚至有朋友話要送去疤膏俾我／幫我整精油」。梁茵又指遇到好人：「患難見真情，遇到好醫生，好嘅中港車司機，仲有介紹我睇皮膚科醫生／整精油朋友仔」。

梁茵休息14日

由於梁茵希望盡快復讓傷口復原，透露會休息14日：「放自己14日假，其實我真係好細膽，原諒我喊到雙目無神，聽醫生講只要堅持14日就9成有機會復原。」梁茵亦不忘為自己爭取工作：「好多人安慰我，唔得咪去搵醫美囉，我驚自己太完美，所以等它自己好返就算！有咩要扮醜樣嘅角色即管搵我，而家我唔使扮，直頭係醜樣。」

↓立即下載星島頭條App↓