林作為「中圈套」言論與舊愛陷反面邊緣？開腔護女友：唔好搞到我女人 裕美斥麥明詩講假話
發佈時間：20:40 2025-06-20 HKT
「十優港姐」麥明詩（Louisa）與前度林作分手多年，雖然已各有另一半，但二人仍不時扯上關係。上月林作媽媽王莉妮探望「無緣份的新抱」及「哎呀孫」時誤晒冇打格仔BB正面相，其後林作現任女友裕美指有人設局讓有分享症的王莉妮墮圈套，甚至不停游說與BB上契。
林作公開撐裕美並警告「唔好搞到我女人」
產後首次出席公開的麥明詩昨日（19日）被問此事，對於被裕美指設圈套，麥明詩說：「我諗最後都係auntie自己選擇，可能我當初同佢有少少溝通得唔夠清楚，佢好快就將相片收返，我哋有好嘅關係，其他嘢、唔想再有呢啲圈套喇，係我中咗人圈套。」林作昨晚在IG拍片公開撐裕美並警告：「唔好搞到我女人，我一定出嚟為佢出頭。」雖然林作未有開名，但言談間矛頭直指前度。被前度炮轟後，麥明詩亦在IG限時動態留言，推翻「中咗人圈套」論，豈料再引來裕美狙擊，指：「為接job講啲假話。」
相關閱讀：麥明詩產後現身回應B仔相流出是非 被裕美爆游說林作媽媽上契 否認設局：係我中人圈套
林作公開撐裕美並警告前度？
裕美直言麥明詩做法令人費解
林作現任女友裕美早前向《星島頭條》還原事件真相，表示有人設局讓有分享症的王莉妮墮網，當時她曾說：「據我了解其實係前度意思，佢係咁微信Lily姐（王莉妮），猛咁游說Lily姐做佢兒子個契媽。」裕美又指最初Lily姐不知如何應對，曾問過林作和自己的意見，但二人覺得Lily姐有自由同任何人做朋友：「所以我哋冇意見，直到佢前度真係坐言起行話帶埋兒子出嚟，Lily姐推無可推。」結果Lily姐將BB正面照上傳社交平台，事後才驚覺不妥，急忙刪文，還緊張向林作求救。裕美直言麥明詩的做法令人費解：「作為前度，搵前度阿媽上契，呢件事本身就有問題，有病嘅人先會諗到咁嘅嘢！」一向愛「抽水」的林作，今次竟一反常態，僅回應「冇意見」。
林作撐裕美公開警告前度
直到麥明詩回應事件後，林作在IG拍片撐裕美：「裕美係我見過最善良嘅人，裕美係唔會講大話，而家究竟係邊個陷害邊個，邊個搞到邊個，我覺得是大家自有公允。即係呢唔好睇出便大家點樣，每個人都是有自己嘅事業， 有自己嘅生意， 大家都好忙，唔得閒喺度搞呢搞路，究竟係邊個搞呢搞路？我覺得大家自有分明，重點呢度有一個重要嘅warning（警告），唔好搞到女人，我一定出嚟為佢出頭。」未有上鏡裕美亦說：「唔好阻住我做嘢，就係咁簡單，你哋鍾意搞新聞就自己搞晒佢，唔好煩到我，我唔需要搞新聞嚟搵生意，OK，好cheap。」
裕美再狙擊麥明詩
今日（20日）裕美接受傳媒仍然很生氣，直斥麥明詩「我見到佢為接job、為形象講啲假話」，更強調自己知道「事實」，表示不吐不快：「你話你中圈套。難道係我設局？！難道係林作母親？！佢要設你局？！佢靠流量？！」又指林作媽媽很清楚事件來龍去脈。
被前度林作與裕美炮轟後，麥明詩在限時動態轉發昨日的報道並說：「大家誤會了我的意思，我意思係唔想再答有關呢件事嘅問題喇，再答嘅話，我就好容易中記者的問題圈套而講錯嘢，因為記者們的技巧真的好厲害，希望這件事告一段落。」
相關閱讀：麥明詩兒子正面樣搶先被林作媽媽公開 「無緣份奶奶」：似我有咗孫一樣 萌B似足媽咪
麥明詩「一家三口」拍廣告？
