女神配對計劃丨周嘉全又被公眾處決？二度向李芷晴表白收場惹爭議 女方被揭真實一面：非一般港女
發佈時間：16:00 2025-06-13 HKT
女神配對計劃丨由有「金牌媒人」之稱的林盛斌（Bob）主持的TVB戀愛綜藝真人騷《女神配對計劃》於6月8日（星期日）播出首集，在節目上，林盛斌與「星級花生團」攜手為TVB五大女神梁敏巧（Maggie）、葉蒨文（Sophie）、李芷晴 （Stephanie）、關嘉敏（Carman）及羅毓儀（Yuki）公開招親搵男友。
周嘉全再向李芷晴示愛食檸檬收場
在周日（8日）播出的首集上，在《愛．回家之開心速遞》飾演「Elaine」的李芷晴被暗戀7年的藝人同學仔周嘉全公開示愛，不過被李芷晴當眾拒絕並說：「其實我一直都冇喺呢方向諗過。」，當時李芷晴的做法已經惹來兩極的聲音，在《東張西望》播出的訪問，主持再次要求周嘉全向李芷晴示愛，可惜再度食檸檬收場，不少網叫戥周嘉全難過，更有人將矛頭直指李芷晴。
相關閱讀：女神配對計劃丨周嘉全拎素描畫求愛不遂 李芷晴當眾決絕拒愛：冇喺呢方向諗過
周嘉全再向李芷晴示愛：
周嘉全獲《東張》製造多一次機會
其實當日李芷晴公開拒絕周嘉全後，她曾在節目上表示：「因為我哋都幾fd，係有少少fd zone咗。我真係完全冇諗過佢對我係有意思，所以就會變咗嗰一刻好混亂，好似撳咗即係要同佢拍拖？喺電光火石之間，可能畀多幾秒我我就會撳咗，而家都少少後悔。」不過事後有網民批評李芷晴太絕情，甚至猜測李芷晴嫌棄周嘉全不夠紅沒錢，但亦有人覺得愛情不能勉強。首集錄影完畢後，《東張西望》即場採訪並即場為周嘉全製造多一次機會。李芷晴和周嘉全站在一起有點不知所措，周嘉全說︰「再講多次，我係相信佢做嘅選擇……唉！我都唔知點講好！」
李芷晴再派檸檬嘗試向這方向想一想
在旁的李芷晴眼濕濕，並表示：「我都唔知，其實我拍嗰陣已經有啲，我唔知呢個感受係乜嘢嚟！」李芷晴續說：「我一路以嚟都覺得佢係好好，就算我哋平時,傾偈，佢係一個好好嘅朋友，所以我好珍惜同無論係乜嘢關係都好，我都好珍惜呢個人。」周嘉全再說︰「原來喺一個真人騷承認鍾意呢一個人係咁大壓力，喺呢個壓力之下，我都敢於承認，你就可以睇得出佢（李芷晴）真人係有幾好。」《東張》主持突然叫周嘉全再次示愛， 周嘉全說︰「我可以好肯定咁講，喺節目上講嘅嘢，對佢欣賞、鍾意，應承以後嘅時間、心機都希望畀晒佢，我講嘅係完全真實。」可惜李芷晴再派檸檬：「我覺得所有嘢都係太突然，我冇向呢個方向諗過，我嘗試喺呢個方向諗諗先。」周嘉全表示認同：「我都希望順其自然，唔好畀壓力佢。」
相關閱讀：女神配對計劃丨姜大衞兒子姜卓文被關嘉敏戰鬥格吸引 去年傳婚訊突分手 曾遭性欺凌
TVB新咪神李芷晴獲網民力捧？
李芷晴珍惜與周嘉全的友誼
李芷晴今日（13日）亦有轉發訪問的截圖並說：「好感謝你嘅勇氣同欣賞，佢真係一個好好嘅男仔，希望大家都感受到我哋好珍惜大家嘅友誼。」不過事件再惹來網民不滿，有人說：「唔鍾意無得勉強，愛情係雙向。東張何必令人尷尬。」、「唔應該因為群眾壓力去揀一個人，人哋決定咗就冇話絕唔絕情，夾硬拖住人扮鍾意最衰，覺得咁樣冇畀佢機會晒人時間先係好女仔。」、「贊成女方唔鍾意就表明態度。」、「個女仔覺得做朋友適合做個男朋友唔得嘅咩！點解一定要畀機會？」後來還有人將李芷晴私下一面曝光：「幾個月前我上個演技course，其中一個同學就係李芷晴，不過我同佢冇乜兩句完全唔熟亦無聯絡。但據我觀察佢作為電視台力捧姐仔，對我都非常客氣有禮，上課如果需要搬動枱凳佢都會幫手一齊做，而唔係等人服侍嘅港女。」
《女神配對計劃》播出詳情：
- 日期：2025年6月8日（星期日）到8月24日
- 時間：晚上9時至10時（翡翠台）
- 連結：MyTV SUPER
《女神配對計劃》是甚麼？
戀愛真人騷《女神配對計劃》主持Bob林盛斌為五大女神李芷晴、葉蒨文、關嘉敏、梁敏巧、羅毓儀牽紅線。女神以撳燈形式挑選心水對象入組，每組僅三個名額。一女三男相聚三角枱用餐，男士表現決定命運，隨時贏得與女神單獨約會的機會，也可能會被淘汰！爭奪戰升級，三日兩夜營會安排組外互動，「對的人」或掀變數？連串殘酷試煉，誰人可為愛奮戰到底，又能否打動女神芳心？星級「花生團」隔空直擊約會實況，齊齊食花生！
