女神配對計劃丨「愛回家CP」曾展望葉蒨文戲假情真認有好感 隨時撻着力推做另一對陳豪陳茵媺
發佈時間：19:00 2025-06-09 HKT
女神配對計劃丨TVB戀愛綜藝真人騷《女神配對計劃》昨晚（8日）首集播出後，惹來不少迴響，最令人感到意外，一定是上位小生曾展望（GM）公開向女神葉蒨文（Sophie）示愛，兩人自去年開始在《愛‧回家之開心速遞》中組成「MC配（Mike and Candy）」，當時已經被網民視為新一代「愛回家CP」，今次曾展望勇於行出第一步，隨時戲假情真！
葉蒨文曾展望隨時戲假情真
其實自從葉蒨文宣布加盟《女神》後，當時已經有不少「MC粉」湧入葉蒨文的IG留言力推曾展望參加《女神》，不負所望的曾展望強調並非順應民意才參加節目：「我唔想做嘅嘢冇人逼到我，其實我好少咁主動，因為我怕瘀，不過我更加唔想你畀人追咗，所以我過嚟追你，畀個機會我哋試吓。」
相關閱讀：女神配對計劃丨騎呢男逐個睇 「青筋波猛男」逼阿Bob啜嘢 《中3》落選者答嘢九唔搭八
曾展望勇於行出第一步隨時戲假情真：
曾展望對葉蒨文使出「緣份殺手鐧」
在節目上，曾展望的出現令在場人士既驚又喜，曾展望先使出「緣份殺手鐧」：「其實我同林子祥同一日生日嘅。」葉蒨文全程甜笑兼眼泛戀愛星光，她甜笑地說：「你講真定講笑架？我個心跳得好快！」林盛斌問曾展望何時開始對葉蒨文心動？他說：「其實我哋識咗好多年，第一次見佢已經覺得佢幾好，不過嗰陣我知佢拍緊拖，之後見佢參加緊呢個節目，即係單身喇，我係一個怕瘀又要面嘅人，不過嗰刻我唔想你畀人追走，咁我咪嚟追你囉。」關嘉敏隨即助攻：「佢（葉蒨文）嘅理想型都係你喎。」葉蒨文忍不住哽咽向製作組撒嬌：「你哋係咪玩我？將我嘅理想型放到咁後！」
葉蒨文覺得曾展望「Mike」相似
葉蒨文追問曾展望是否可以分清楚自己喜歡的是Sophie還是Candy？曾展望大派定心丸：「分得清呀，你嘅角色同真人幾大分別，『Candy』比較小女孩，但係以我認識你，係時尚型新女性。」不過葉蒨文反而覺得曾展望與「Mike」這個角色相似：「佢都用咗好多自己落去，係轉數快同有急才嘅人。」曾展望又說：「我覺得你好幽默，我鍾意同啲幽默嘅女仔相處，我覺得好開心，我都係鍾意睇爛gag 嘅人。」葉蒨文進一步冧笑地說：「我未見過你呢一面，好唔慣呀，我平時覺得GM有少少玩世不，嬉皮笑臉，老實講仲有啲Playboy feel，我覺得你今日好唔同。」
曾展望自認怕羞仍進一步表白
曾展望聞言即趨前兼作進一步表白：「其實我都幾怕羞，好少可咁Hang 機，但係我好想同仔你試下，畀個機會我追你，好唔好呀？」葉蒨文點頭示好，曾展望即說：「多謝。」葉蒨文坦言覺得感動：「因為佢平時唔係咁，我feel到佢好緊張，跟住feel到好真誠。」李芷晴忍不住說：「我feel到佢哋活喺自己嘅世界入面，感受到真愛。」本來林盛斌表示數5聲後，要葉蒨文做最後決定，不過她零猶豫下直說：「我唔需要嗰五秒喇，由開閘嗰吓我已經揀咗喇！」 葉蒨文為曾展望戴上「心動頸鏈」時，二人全程不敢望對方，葉蒨文說：「我哋好耐冇見。」曾展望即說：「我哋遲啲見多啲。」
相關閱讀：女神配對計劃丨姜大衞兒子姜卓文被關嘉敏戰鬥格吸引 去年傳婚訊突分手 曾遭性欺凌
葉蒨文甩拖回復單身：
葉蒨文曾展望戲假情真成為熱話
在去年播出《愛‧回家之開心速遞》第2377集，劇情「只有我能傷害他」講到「Minnie」邵初暗中關注「Mike」曾展望於網絡社交平台發表的貼文，發現他與「Candy」葉蒨文關係密切，她到鯨吞天廈查看，碰巧遇到Candy，藉機設法打探Candy與Mike的關係。Minnie認定Mike單戀Candy，而Candy只想「收兵」，因此罵了Candy一頓。其後，Minnie發現Candy與Mike依舊糾纏不清，遂採取進一步行動……Minnie後來撞破兩人共進晚餐，忍不住向Candy大發雷霆，難得今次戲假情真，片段迅即在網上瘋傳，一度成為熱話，有人說：「好感動，希望佢哋可以一齊」、「場面好令人感動，好溫暖又甜蜜嘅感覺」、「幾有夫妻相」、「真 CP」、「好襯好 Sweet」、「一直好鍾意GM、葉蒨文，估唔到佢哋兩個互有 Feel」、「希望係另一對陳豪和陳茵媺」；二人還同時獲讚真性情：「葉蒨文幾好，夠爽同直接」、「葉蒨文骨子裏應該係好真嘅人」、「喜歡 GM 夠直接。」
葉蒨文直認與曾展望互有好感
其後葉蒨文直認與曾展望互有好感：「其實公司同事都唔係好多細眼， 我都覺得佢幾型幾靚仔，不過因為佢少拍咗《愛回家》都少咗見面，以前都有一大班人食Lunch，前排羅雪妍生日， 我哋成班人都有一齊同佢慶生。」 至於沒有再行前一步的原因，葉蒨文說：「因為大家係同事，佢又細我5年，本身我都唔係特別想揀番呢個圈嘅男仔，我覺得呢個圈嘅男仔比較複雜 ，誘惑比較多，加上我本身都係需要安全感嘅女仔，所以當時都冇諗咗多 。」 不過葉蒨文對曾展望讚不絕口：「 佢個人幾真，同埋幾簡單， 我覺得佢唔係好複雜嘅人，所以我都想了解下佢。」
