譚詠麟大爆趙浚承最初只係巨星替代品：代替華仔點評欠缺XX 私下人品大公開

更新時間：20:00 2025-06-08 HKT
發佈時間：20:00 2025-06-08 HKT

38歲的趙浚承（Gary）因參加《中年好聲音3》而人氣急升，雖然三甲不入，但仍收獲大班粉絲。曾被封譚詠麟愛將的他是明星足球隊成員，受到多位隊中前輩支持，日前明星足球隊接受YouTube頻道「音樂好時光 HK Music Talk」訪問，大談他們對趙浚承的感覺。

譚詠麟找趙浚承做巨星替代品

趙浚承曾是男團Square成員，又簽過環球唱片，早年已有機會跟譚詠麟合作。譚詠麟分享，原來早年趙浚承只是巨星替代品，譚詠麟說：「我識佢冇十年都有八載，我嗰陣做咗隻叫《欣賞》嘅碟，跟住就做巡迴（演唱會）。隻碟係同人合唱，我一個人唱唔到兩把聲，咁就搵Gary嚟，代替華仔、孫楠，總之我喺tour要唱嘅歌……佢就代替我對手。」

譚詠麟大爆愛將趙浚承曾做巨星替代品？

譚詠麟指趙浚承欠缺自信心

明星足球隊成員陳友、黃日華及譚詠麟都認為趙浚承有實力，不過欠缺自信心。譚詠麟表示：「OK嘅，佢有佢嘅基本功，但佢嘅信心係要加強。因為佢可能離開咗娛樂圈都耐，佢有一定實力，只不過要將佢收埋好耐嗰啲細胞激活返佢，咁就得喇！」黃日華也表示：「可能係當年份合約影響佢好大啦，個打擊令佢自信心冇咁大，但我成日同佢講，唔緊要，人生際遇……睇機會幾時嚟，你咪磨練吓自己先囉！」陳友更大讚趙浚承是《中年好聲音3》中最靚仔的選手。

吳家樂指趙浚承為人太斯文

吳家樂大爆趙浚承真實人品，表示：「球場上嘅表現呢……其實佢有咁嘅身形，佢有力度，但佢偏斯文。因為球場係個易受傷嘅地方，如果你一縮一讓，好易令自己被整親。」指趙浚承由於不想弄傷他人，經常太忍讓，「有時就係自信唔夠，同佢參加比賽一樣，差啲。」陳友更教趙浚承做「攝石人」，「呢個圈就係咁，一定要做『攝石人』，有機會出鏡，打兩吓都冇乜所謂，你唔爭就冇人會讓你。」