奇情谷丨老婆為一事要求性慾強老公用印花換性生活中佬性功能衰退搞到下半身癱瘓

更新時間：15:00 2025-06-05 HKT
發佈時間：15:00 2025-06-05 HKT

由火火、吳若希（Jinny）及曾展望（GM）主持的TVB Plus（82台）節目《奇情谷》日前播出新一集，請來輔導心理學家吳芷嫣（Natalie）擔任嘉賓，分享因心理引起的奇情問題。

「媽寶」老公為性生活積極做家務

《奇情谷》中吳芷嫣提到原生家庭孩子出生次序，會導致不同性格，她分享一單個案是「大家姐」與「媽寶細仔」的婚配。吳芷嫣表示該對夫婦自小孩子出世後，問題開始浮現，她說︰「大家姐媽咪開始厭倦，因為除咗湊BB仲有個『仔』要湊。如事者有趟女方要外出，交帶老公照顧仔仔，已經提咗要餵奶，但就唔記得提換（尿）片。結果返到嚟小朋友patpat『噏』到紅晒，位女士梗係好嬲。」男方還理直氣壯解釋「你都無講」，一旁的吳若希表現無奈，她感同身受說︰「係呀，但真係有人唔識㗎，佢哋真係要step1、2、3講晒出嚟至會做囉。」似乎暗指老公。

最後女方想出一個獎勵方法，令「媽寶」老公變得積極，吳芷嫣笑說︰「先生性慾方面要求比較強，太太就諗到用呢樣嘢去交換佢做家務。」當儲夠一定印花數，就可以換取性生活，吳若希不斷點頭表示認同，似乎頗有參考價值。

輔導心理學家分享奇情問題？

中年男子性功能衰退致下半身癱瘓

吳芷嫣談到另一個案，跟男人中年危機有關，事緣有位男士發現自己性功能衰退，但又羞於啟齒。該男士基於焦慮及壓抑，最終導致下半身癱瘓，她說︰「慢慢由嗰個部位唔function，去到隻腳癱咗。好多時候成年人唔識用口表達情緒，就會用身體話畀你知。」吳若希自言每次登台都有類似經驗，因會驚懼會不停手震。吳芷嫣表示該男士經輔導後，已解決問題，她笑說︰「位男士唔係好明乜嘢心理病，所以當時心理學家就教對方用『氣功』幫自己，感覺返隻腳，開始慢慢引導佢講返個故事出嚟，最後解決問題。」