陳山聰回應傳背妻夜蒲：我知邊個影我認兩公婆好耐冇戴婚戒近來兩度傳婚變

更新時間：19:00 2025-06-04 HKT
發佈時間：19:00 2025-06-04 HKT

視帝陳山聰2019年與圈外女友何麗萍（Apple）結婚，婚後育有一子Jaco（陳霆軒）。今年年初，陳山聰曾被《東周刊》報導疑似因價值觀出問題而婚變，指他久未晒夫妻照，婚戒「失蹤」以及經常獨自湊仔，當時陳山聰對傳言表示：「一笑置之。」而日前陳山聰在馬來西亞夜蒲被拍到，二度傳出婚變，他日前出席活動再作回應。

陳山聰回應背妻夜蒲事件

陳山聰早前在馬來西亞吉隆坡被拍到享受夜生活的影片，被指於一間著名夜店中High爆狂舞，因而引起背妻夜蒲傳言。陳山聰受訪表示當日在馬來西亞的工作殺青，被介紹到該夜店狂歡，同場的全都是好友及工作人員。陳山聰說：「其實嗰個唔係咩網民，唔係野生捕獲，影我嗰個係邊個我都知道，我都照畀佢影。嗰日個場地係完全冇人，得我哋成班工作人員。」笑指因為當時場地播放《紅日》即時舞癮起，「冇理由唔跳吓，順便睇吓Uncle我仲跳唔跳得呀嘛！」

陳山聰揭夜蒲真相？

陳山聰指老婆也沒戴婚戒

對於被指近來都沒有戴婚戒，陳山聰也有解釋，他說：「呢個好耐嘅事，冇戴戒指好耐啦！因為陳太已經講咗……嗱，真心，點戴戒指啫？如果我拍緊戲嘅時候點戴？呢個係……我覺得唔需要再答囉！」其實之前有傳他與老婆Apple婚變，陳山聰都透露老婆Apple不戴婚戒的原因，當時他拍片表示：「陳太，你上封面喎，有咩感想？你做乜唔戴婚戒？解釋吓，因為妳肥咗囉。」太太聞言微笑叫老公：「食嘢啦！」以互動力證情未變。