女神配對計劃丨「一陽指奇人」林偉麟是網絡界紅人 曾自稱「學霸」現身配對節目 被爆A0避談是否處男
發佈時間：18:00 2025-06-04 HKT
TVB戀愛綜藝真人騷《女神配對計劃》在周日（1日）晚播出的首集，率先曝光了16名男士的面試片段，節目出街後，在網上掀起了不少熱話，皆因大半數男士都屬騎呢之人。似乎大半都是騎呢男，當中最備受注目的，絕對是有「再版林敏驄」之稱的王維燁，除了「東芫和廣州」異地戀外，「髮型論」同樣叫人拍案叫絕，蕭正楠忍不住留言：「東莞廣州，結婚生BB一定係混血兒」；就連節目中其中兩位女神似乎對王維燁情有獨鍾，葉蒨文說：「其實咁守得秘密，呢啲做朋友一流！」梁敏巧更直言：「可唔可以叫佢返嚟，我想同佢瘋狂傾偈。」
「一陽指奇人」林偉麟是網絡界紅人
在16名男士當中，可以用「包羅萬有」來形容，「再版林敏驄」王維燁已經是其中一位奇人，還有自稱身家接近一億的「一陽指奇人」林偉麟，在現場大展奇異武功，不但360度來回大玩「旋風式踢腿」，還大晒「一陽指」兼大談「死穴」理論，騎呢程度爆晒燈，節目出街後，有網民發現林偉麟在網絡界原來是紅人，在2014年曾參加過TVB的配對節目《搵個好男人》，當時林偉麟以學霸自居，由由high school到大學畢業，再修讀雙碩士，全都是拎獎學金兼全校第一，不過他未透露學校名稱，亦曾避談是否處男。
相關閱讀：女神配對計劃丨騎呢男逐個睇 「青筋波猛男」逼阿Bob啜嘢 《中3》落選者答嘢九唔搭八
女神配對計劃丨「一陽指奇人」林偉麟曾以以學霸自居：
林偉麟稱手上有「天機算」投資不會輸
在首集《女神配對計劃》上，林偉麟稱手上有「天機算」，所以投資不會輸，接着林盛斌（Bob）問有多少錢身家，林偉麟說：「近一億或半億，（一億定半億？差好遠喎！）６、７千萬喇，差唔多喇，冇講大話，呢啲係事實。」接着林偉麟大展奇異武功，不但360度來回大玩「旋風式踢腿」兼少林功夫，還大晒「一陽指」篤「死穴」理論：「人體有36個死穴，我哋一陽指一篤佢就死」，並在林盛斌自告奮勇上演了一輪「兵捉賊」鬧劇後，林偉麟即出動「一陽指」直篤林盛斌死穴，不過未知是否留力關係，林盛斌被擊中後安然無恙，還可以施施然握手。但原來林偉麟在2014年曾參加過TVB的配對節目《搵個好男人》，當時未有透露自己識「一陽指」，反而以「學霸」自居。
林偉麟稱拎獎學金兼全校第一
當時林偉麟在黃翠如、葉翠翠、莊思敏和張曦雯面前自我介紹，他說：「我日頭做head of IT，兼職教授大學課程，細個去咗美加讀書，由high school到大學畢業，再修讀雙碩士，全部都係拎獎學金兼全校第一。我好喜歡做運動，例如打波、游水、唱歌，同埋跆拳道、少林功夫，因為我經常做運動，所以近20年都冇病過，身體一向好好。」阮兆祥還以十個字形容林偉麟：「一個打兩個，廿年冇病過。」莊思敏問他讀甚麼學校，林偉麟說：「我喺溫哥華讀high school，喺加拿大攞咗一級榮譽學士畢業，都係出名大學，後尾去咗美國，都係十大嘅大學，都係全校第一。」 林偉麟又稱自己從未過拍拖，搞到個個好好奇，林偉麟說：「因為我好專注讀書，係有好多女同學成日搵我，但係我覺得只係朋友之間嘅關係。」莊思敏忍不住問：「你係咪處男？」林偉麟一臉尷尬地說：「我諗問其他問題喇。」
相關閱讀：女神配對計劃丨自信男樣貌背景逐個睇！Baby Face褲襠現怪狀 54歲失業男激似林敏驄
《女神配對計劃》首集參賽者逐個睇？
林偉麟又稱自己考獲12個教練牌
林偉麟又稱自己考獲12個教練牌，而且本身對唱歌很有興趣，林偉麟亦曾在YouTube開設一條唱歌頻道，不時大晒「哭腔」唱功，他曾自稱為「超級武術會：超級運動總會」主席兼總教練，提供各種各樣的體育活動和活動，如羽毛球、乒乓球、游泳、網球等，就連自衛、功夫、氣功等活動，但多次成為熱話。
