混血肥仔曾達恩與索女主持丁彥均同遊越南惹爭議丁丁無懼又被斷正公開剖白關係

更新時間：15:15 2025-06-03 HKT
發佈時間：15:15 2025-06-03 HKT

丁丁／丁彥均／混血肥仔／芊蕙子／偷食／離婚｜香港網台BBO始創人、著名YouTuber「混血肥仔」曾達恩（Tommy）今年2月被傳疑背移英太太芊蕙（芊蕙子）偷食，與拍檔女主持丁丁（丁彥均）於黃金海岸餐廳撐枱腳，更被目擊疑有拖手舉動，其後混血肥仔亦承認正搞離婚。芊蕙子卻爆出去年混血肥仔已向她承認出軌並直言可以隨時離婚，不過未收到或簽署任何與離婚相關的法律文件。

混血肥仔與丁丁被發現同遊越南

事件中女主角丁丁則表示「在確認對方已分開，並簽訂「分居協議書」後，我們的確會作出了解，但最後沒有發展。」丁丁又稱因流言蜚語飽受精神折磨和情緒問題，甚至影響家人朋友，決定暫時休息，退出幕前工作。原本以為風波已暫告一段落，想不到混血肥仔與丁丁竟被發現同遊越南，混血肥仔隨即在Instagram上作出回應。

相關閱讀：網台創辦人混血肥仔疑偷食索女主持留英老婆勁撇脫：可以隨時離婚

丁丁混血肥仔風波｜混血肥仔丁丁同遊越南？

混血肥仔與丁丁同遊

昨日（2日）有越南YouTuber貼上一段約會心儀女神在街頭撐枱腳的影片時，竟意外捕捉到混血肥仔與丁丁同遊的畫面，。片中所見，兩人先在一間店舖門外駐足，商量完一輪完再並肩而行，丁丁身穿吊帶牛仔長裙，混血肥仔則一身休閒打扮，手上拎着不少戰利品，丁丁亦有望一望鏡頭，片主見狀忍不住讚丁丁並說：「美女啊，桃花眼睛啊，哎呀真不錯啊，長的真的不錯啊，巴拉圭牛仔裙那個啊。」越南少女都擰轉頭望了她一眼。有網民認出二人是混血肥仔與丁丁，混血肥仔在片中的髮型及身穿的T恤與昨晚晚上在IG限時動態的自拍照屬同一件，質疑是近日的事。

影片迅速在網上瘋傳

影片迅速在網上瘋傳，不少人紛紛留言表示「捉到正」、「你們拍到香港網紅偷情！」、「咁都影到，好波！」、「咁真係天意，丁丁之前個聲明仲話最後沒有發展」、「估唔到喺咁既片俾人認到」、「好X癲！真係人在做天在看。」不過亦有人指他們並無拖手等親密行為，不足以證明甚麼。而混血肥仔火速在IG回應，他貼出自拍照並說：「唔出聲又會俾人老作，上星期放假同幾個朋友去越南玩幾日啫，我已經返到英國了，咁都畀人影到真係笑死。之前已經有好多報道做成好多傷害，好多人可以講好多嘢落井下石，好不容易大家走出了情緒低谷，唔一定要支持嘅，大家繼續好好生活就可以了。」混血肥仔亦轉發了另一「證人」的限時動態，好友Panda貼出在越南一間餐廳的黑白環境照，寫著：「唔知講咩好，但誠意推薦呢間嘅蛋咖啡，好！好！味！啊！」並標註了混血肥仔和丁丁，不過影片只見丁丁一人，連越南YouTuber的影片亦只見二人，似乎難以證明這一對緋聞男女並非單獨出國。

丁丁突貼片介紹蛋咖啡驚畀人鬧

丁丁限時動態亦有介紹蛋咖啡，其後又在IG限時動態發文：「呢幾個月經歷咗幾個人生低潮，我一直都不斷學緊點樣做幕後：寫稿、剪片。呢段時間真係唔易捱，但慢慢開始多咗啲idea自己都想試吓拍，好好彩仲有啲朋友願意幫我。多謝Panda，Tommy同manyan，喺艱難嘅時候繼續支持我，提我影相要笑，教我點樣組織份稿，點樣拍片。幫我話想拍啲嘢嘅時候，亦都二話不說出嚟幫我。」丁丁亦有提到今次外遊被影到，於是順便出片：「以我嘅性格，拍好咗都會猶豫幾時出，驚做得唔好，驚畀人鬧。既然都畀人影到，就順理成章出片啦！」最後她許下承諾：「希望大家都會欣賞，我會繼續努力做好自己。」