《愛回家》最索小花驚爆閃婚？突貼婚紗相稱終於有「名份」曾被質疑扮分手呃演出機會

即時娛樂

更新時間：14:00 2025-06-03 HKT
發佈時間：14:00 2025-06-03 HKT

32歲《愛‧回家》索爆小花葉蒨文（Sophie）在今年情人節宣佈回復單身，與拍拖多年的圈外男友「啤梨仔」分手，近日更拍攝TVB全新戀愛綜藝真人騷《女神配對計劃》，葉蒨文曾表示對象眼睛「唔需要闊」，但眼界要闊，最緊要有志向及有上進心。

葉蒨文宣布終於有名份

昨日（2日）葉蒨文突然在IG貼上多張婚紗相，突然宣布終於有名份，似乎「白馬王子」已經出現，不少圈中好友留言，還有人說：「甜到漏啊！」、「希望妳幸福！」

葉蒨文甩拖回復單身：

葉蒨文貼多張結婚相惹來閃婚疑雲

葉蒨文昨日突然在IG貼上多張結婚相，惹來閃婚疑雲，不過實情是《愛回家》的一幕戲，新郎是三太兒子「Joe少」，葉蒨文留言說：「既然我嘅白馬王子唔會係龍舟，咁唔知係女神配對計劃會唔會搵到我嘅另一半呢？#我很戀愛腦#做咗八年，Candy終於有中文名啦~ 原來叫唐依。」雖然葉蒨文的真命天子未出現，連《女神配對計劃》亦未見有合適對象，不過葉蒨文對其中一個參賽者感興趣。在前晚播出的一集，其中《中年好聲音3》落選者王維燁對答可謂九唔搭八，令阿Bob都「投降」，譬如被問職業，他表示是一名音樂老師，不過其後又指：「而家唔做喇！」

葉蒨文想瘋狂同林敏驄2.0傾偈

至於於之前做音樂老師時月入多少錢，王維燁完全未能回答重點，只表示：「有做到，但都有使錢。（每月收入）有多有少啦，而家都有接吓啲Show。」阿Bob追問他一個月有幾多場表演，他說：「有時有啲商演，有時有啲夜場……都係等通告……多嘅話就會多啲囉……」葉蒨文亦有在IG限時動態留言：「我唔明點解啲人會話係假？話係請人返嚟演，你望吓而家香港嘅臨時演員，真係有咁好戲咩？我覺得呢個人物性格係入血㗎啦喎，佢本身又冇戲劇背景，呢啲真係搵都搵唔到，我覺得好正，想同佢瘋狂傾偈，林敏驄2.0。」