女神配對計劃丨騎呢男逐個睇 「青筋波猛男」逼阿Bob啜嘢 《中3》落選者答嘢九唔搭八
發佈時間：18:00 2025-06-02 HKT
女神配對計劃丨TVB戀愛綜藝真人騷《女神配對計劃》昨晚（1日）播出，請來麥玲玲、江美儀、陸浩明、阿Bob林盛斌等為TVB五大女神：梁敏巧（Maggie）、葉蒨文（Sophie）、李芷晴（Stephanie/Step）、關嘉敏（Carman）及羅毓儀（Yuki）公開招募伴侶。不過《女神配對計劃》首集播出，似乎大半都是騎呢男，而結尾亦強調，真正筍盤要下集才出現。
「漏口黃子華」搵女友當見工
《女神配對計劃》首集曝光了16名男士的面試片段，首位出場的男士名叫「冥夜」，即場展示「幽默」個性，不過說話卻令全場「dead air」，更即場表演一場棟篤笑當自己是黃子華，不過說話不流利，似乎更似「漏口黃子華」。他指來參加《女神配對計劃》就如見工，如果有第二次面試即有機會拍拖，若結到婚等於獲聘請。面試表現連陸浩明都表示難忘，他說：「我諗佢要上啲溝通班，或者自信提升班，可能先幫到佢追女仔。」
相關閱讀：女神配對計劃｜TVB配音組人員參加面試 驚爆電視城上位小花戀情：XX畀人揀咗喇
《女神配對計劃》首集參賽者逐個睇？
「青筋波猛男」餵阿Bob吃朱古力
參賽者中有兩位男士表示自己曾在猛男餐廳做侍應，Ray即場脫衣，半裸晒肌後穿上圍裙，自稱外號是「青筋波」。他走到阿Bob身邊，餵阿Bob吃朱古力，更貼近阿Bob表示：「慢慢抬頭，擘大個口，啜出嚟先。」最後更為阿Bob抹嘴，令阿Bob都忍不住笑。而另一位猛男Jason梁景𡺤則圍着「東張女神」陳懿德跳貼身舞，令江美儀都嚇到叫停：「因為我識羅天宇（陳懿德緋聞男友）。」
《中年好聲音3》落選者對答九唔搭八
《中年好聲音3》落選者王維燁對答可謂九唔搭八，令阿Bob都「投降」，譬如被問職業，他表示是一名音樂老師，不過其後又指：「而家唔做喇！」至於之前做音樂老師時月入多少錢，他完全未能回答重點，他表示：「有做到，但都有使錢。（每月收入）有多有少啦，而家都有接吓啲Show。」阿Bob追問他一個月有幾多場表演，他說：「有時有啲商演，有時有啲夜場……都係等通告……多嘅話就會多啲囉……」
相關閱讀：女神配對計劃丨自信男樣貌背景逐個睇！Baby Face褲襠現怪狀 54歲失業男激似林敏驄
「吳卓羲2.0」自稱拍過400次拖
自稱「風流而不下流」、被朋友熱捧為「吳卓羲2.0」，更被指似吳鎮宇的韓智炫，因穿皮褸熱至滿頭大汗引人注目之餘，其自稱曾拍過400多次拖的驚人言論，亦堪稱「海選之最」！除400次這個數字令人難以置信，韓智炫還自稱「最長一段戀愛長達八年」，及已有三年時間完全沒有拍拖，要拍拖400次絕對是能人所不能，完全是「時間管理大師」。韓智炫解釋：「當然唔係一對一（拍拖對象），會忙啲咯，上半場、下半場，仲有加時。」此言一出，阿Bob即嬲到掟筆訓斥：「衰到咁，唔係嘛？！」
女神配對計劃面試丨13位面試男背景逐個睇：
「怕醜張家朗」對答狂「Err」欠自信
樣子酷似張家朗的金融科技公司分析員林焌堯，透露身家約有「百零二百萬」，並謂覺得自己最吸引人的地方，是較為細心及會尊重女朋友。雖然客觀條件相當不俗，但林焌堯整個面試過程中卻表現驚青，整個面試「Err」足十多次，阿Bob見狀即肉緊鼓勵：「畀啲信心自己！你唔差架！」
相關閱讀：女神配對計劃丨林盛斌戥胡定欣「脫單」開心 冇跟洪永城爭功：男方的確係佢朋友 16歲大女強大不在意外界目光
「醫美太子爺」被封筍盤
首集罕有的筍盤，則有「醫美太子爺」Kenneth及i-banker界男模Matthew。貴為醫美集團太子爺的Kenneth，全程表現親切、謙厚又坦率，隨即令現場一眾星級花生團為之驚艷，江美儀更流晒口水問：「咁你而家準備結婚未呢？」又忍不住一再讚嘆：「佢由入嚟到依家所有都係優點，你有咩缺點㗎？我好鍾意呀，佢好cute呀！」江美儀聞言更笑問：「佢接唔接受姊弟戀？佢係咁多個裏面最踏實嘅一個，個package好好 ！」
Matthew認喜愛夜蒲拒「一夜情」
至於Matthew的筍位除年薪高達七位數外、拳腳功夫、身手及身形亦相當有睇頭，外形條件優越。Matthew還有一個特別之處，是之前的女友相當國際化，有來自波蘭、俄羅斯及烏克蘭等，身體力行印證了愛情無分國界，更向Bob強調自己雖然曾喜愛夜蒲，但絕無玩「一夜情」。
相關閱讀：女神配對計劃丨羅毓儀讚《愛回家》Terry係好對象 葉蒨文對感情決絕唔一定結婚 李芷晴睇身高：細粒顯得我大舊！
