60歲曹永廉兩度腎出事痛到打嗎啡屙血先知大鑊急求醫：去唔到洗手間醫生揭成因

更新時間：17:00 2025-06-01 HKT
發佈時間：17:00 2025-06-01 HKT

60歲曹永廉在昨日（31日）播出的TVB節目《醫度講》分享生腎石的經歷，他透露早於20幾歲時已生過腎石，質疑因時常忍尿而出事。曹永廉指當年在超市返夜班打工，而且個人非常急性子，正在工作時會習慣性急尿不上洗手間。曹永廉表示：「每次一忍就兩三個鐘，大約持續一年左右，隔咗幾個月開始痛。」

曹永廉痛到入院打嗎啡針止痛

曹永廉分享當時病況，指因持續長達一年不時忍尿，開始感到痛楚，他說：「一痛就一發不可收拾，佢係喺後面個位……你撳又撳唔到，喺入面痛，痛得好緊要。」曹永廉入院6天，醫生建議多喝水將結石排出體外，雖然不用開刀，但曹永廉亦表示非常痛苦，「每日嗰種痛法，係要打嗎啡針止痛，痛到幾個鐘打一次。」

曹永廉兩度生腎石入院曾屙血？

曹永廉50幾歲時再生腎石

曹永廉指早幾年再生腎石，這次結石移位到尿道變成尿道石，他說：「其實我有飲水，不過可能我汗水揮發得多，可能飲得唔夠。嗰次就唔好彩喇，上次（結石）喺腎，今次落咗尿道，又係另一種痛法。想去洗手間有時會去唔到，有時又去到，但開工嗰陣有時會痛得好辛苦。小便直頭係屙血出嚟，我先去睇醫生，先知有腎石。」曹永廉服食止痛藥直至完成工作才入院，這次同樣不用開刀，靠多喝多排出結石。

腎結石成因

對於曹永廉質疑自己生腎石是因為常急尿，醫生在節目中解釋生腎石成因，指其實急尿與生腎石沒有直接關係。醫生說：「可能因為你工作，體力勞動，排汗得多，有時忙又忘記飲水，令身體長期處於一個好乾嘅狀態，呢啲反而令你易生腎石。」醫生表示尿液是儲存在膀胱，反而不會令腎有結石，但少喝水的確會容易生腎石。此外，飲食上鹽份太多，亦會令小便濃縮，繼而形成結晶體。醫生續指，生腎結石其實沒有症狀，但如果結石跌入很窄的輸尿管就會出現痛楚。結石跌入輸尿管會造成急性腎絞痛，嚴重可致腎水腫、發燒、敗血症、影響腎功能，甚至需要洗腎，萬一用藥及手術都解決不了，或有生命危險。