陳敏兒為26歲二仔抱怨「小薯茄」係血汗工廠？廖文信反窒阿媽音樂才子入行做幕後

更新時間：19:00 2025-05-31 HKT
發佈時間：19:00 2025-05-31 HKT

廖啟智與陳敏兒育有三子，細仔廖文諾於2006年血癌病逝，至於大仔廖文哲及二仔廖文信現年已分別28歲及26歲。早前陳敏兒與細仔一起上電台節目受訪，影片近日被上載到YouTube，廖文信罕有露面，與媽媽一起分享親子相處點滴。

廖文信於「小薯茄」打工

廖文信於澳洲留學回港，未有借父母名氣做幕前工作，反而成為幕後人。廖文信與哥哥一樣很有音樂才華，擅長多種樂器，不過未見他跟哥哥一樣在音樂界發展，反而加入人氣YouTube頻道「小薯茄」做幕後工作人員。他早前與媽媽陳敏兒一起受訪，雖然他只是坐着，但亦可看到他身形相當高大。陳敏兒直言兒子向來令他很放心，大讚廖文信自小人緣好，覺得廖文信非常「好命」，甚至曾提點兒子：「將來出嚟做嘢冇咁好彩。」預先提醒兒子在辦公室工作可能遇到的不快事，豈料兒子入行後，做幕後都非常開心。廖文信表示：「你講啲嘢冇應驗到嘅……好開心做到自己想做嘅嘢。」亦感恩媽媽思想開明，令他敢於嘗試。

廖啟智與陳敏兒二仔罕上節目？

陳敏兒心疼兒子太晚收工

陳敏兒在教子方面採取不強逼的態度，但坦言有時都會心疼兒子工作太辛苦。廖文信說：「我哋作息好唔同，日頭出去返工，通常都好夜先返嚟，返到去佢都瞓咗。」陳敏兒表示：「自己都做過後生，嗰陣有幾何會7、8點返到屋企。不過人好奇怪，人老咗好多嘢都唔記得，自己後生點樣過都唔記得。有時我都會有埋怨，『做到咁夜㗎，你間咩公司嚟㗎、血汗工廠、唔畀人收工』。跟住佢就會彈我一句，『阿媽，你後生嗰時都係咁啫』。」陳敏兒指雖然明白，但身為人母仍然會心疼兒子。