端午節龍舟比賽丨TVB龍舟隊遭自己友狂踩 扒包尾被安德尊鍾志光寸爆 何沛珈：留力鬥後
發佈時間：16:00 2025-05-31 HKT
今日5月31日端午節舉行的龍舟比賽2025，TVB亦有派代表出賽，今年照舊由王俊棠領軍，加入新血黃建東等，雖然賽前信心十足，可惜成績卻排最後一名。TVB直播《沙田龍舟競賽2025》，由安德尊、麥美恩、鍾志光、何泳芍及何沛珈主持，身為TVB一份子，他們對於王俊棠領軍的TVB龍舟隊成績似乎不太滿意，在節目中狂踩，引起網民討論。
網民批評安德尊欠尊重
今日有網民在Threads批評安德尊主持《沙田龍舟競賽2025》時的表現，指他聲音很吵耳，而且在節目中狂踩自己同事在龍舟比賽中的表現，認為他說話欠得體，更指戥他的拍檔麥美恩慘。麥美恩在Threads留言回應網民批評，表示：「多謝你有留意」，對於有網民批評安德尊不尊重努力練習的同事，麥美恩回應：「我叫咗大王出年扒龍舟。」
相關閱讀：安德尊寸爆王俊棠！帶領TVB龍舟隊尾二過終點 怒斥扮大佬兼掛住搵錢連累全家
TVB龍舟隊再被自己友狂踩？
安德尊鍾志光狂寸TVB龍舟隊
安德尊在TVB龍舟隊出場前，已被麥美恩提點：「講好說話，幫幫手。」安德尊表示：「棠哥係我哋TVB龍舟隊嘅靈魂之首，但每年我都寄望佢係勝利靈魂之首，但每年都未能勝出，咁樣係咪有啲難受呢……點都好，正面啲同佢打氣。」而TVB龍舟隊在賽前受訪好有信心，更大叫口號：「TVB今年一定Win！」王俊棠更向鏡頭表示：「大家一定要睇住我哋贏呀！」但最終在比賽中一開始已經大墮後，連旁述嘅鍾志光都表示：「一條心、一條船，搞掂佢。但而家似乎畀人搞掂多啲喎！唔算太慢，不過唔夠前面嗰啲快。」連何沛珈都表示：「留力留力……留力鬥後。」最終TVB龍舟隊成為最後一名，鍾志光表示：「恭喜TVB龍舟隊順利完成比賽。」
相關閱讀：王俊棠反駁安德尊斥為搵錢連累同事 否認黑口黑面：條友口水多過茶吹水唔抹咀
安德尊去年寸爆王俊棠累全家、扮大佬？
安德尊狂嘲TVB龍舟隊成績
TVB龍舟隊今年參與無綫盃的成績再被安德尊狂嘲：「連個攝影師影住佢，都係一下就走咗去。個盃係我哋嘅，你都影多兩秒啦！都唔緊要，但頭先王俊棠誓神劈願向住觀眾『你睇住啦』，我仲聽到一句，嗰個何沛珈話『留力鬥後』，鬥後？」麥美恩表示：「佢應該係想講留前鬥後。不過我都覺得係有啲後㗎喇……」幾位主持的言論引起網民關注。
相關閱讀：任龍舟隊鼓手節食減重 鄧卓殷唔想搭沉船
安德尊與王俊棠去年已積怨
其實安德尊與王俊棠去年已在龍舟比賽直播節目中積怨，安德尊隔空批評王俊棠「黑口黑面」做鼓手一人累全家，事後王俊棠受訪反斥安德尊：「條友口水多過茶，成日吹水唔抹咀，話我累全家，一於家法侍候，『槳』佢個咀。」想不到今年安德尊仍然沒有收火之餘，連鍾志光、何沛珈等都加入狂踩自己友。
王俊棠北上吸金移居內地住大屋？
