陳展鵬老婆單文柔患「怪病」全臉腫脹 發文親解病因源於身體一系統出事：之前仲覺得還年輕
發佈時間：12:01 2025-05-30 HKT
現年48歲的TVB視帝陳展鵬，，於2018年與落選港姐單文柔（Phoebe）結婚，翌年誕下愛女「小豬比」陳諾瑤（Quinta），一家三口生活幸福美滿。但陳展鵬老婆單文柔近日突患上「怪病」，透露自己無端眼腫、面腫和頸腫，病發照片觸目驚心面目全非。今日（30日）單文柔終於發文解釋病因，直言「真係要開始認真注重健康」。
單文柔分享病發時照片粉絲憂心
單文柔日前透露自己在今年4月臉部離奇腫脹及眼睛發炎，更分享病發時的照片，令粉絲們相當憂心。今日單文柔終於發文解釋病況：「首先想係度多謝大家嘅關心，其實我原本分享這段經歷係希望大家注意身體，同時亦想提醒自己，真係要開始認真注重健康！之前做運動都是比較喜歡一些較靜態運動，例如: 行山，golf …但其實真係要做帶氧嘅運動！唔可以懶…」
相關閱讀：48歲TVB視帝愛妻患怪病纏擾逾月 發病容照面目全非極詭異 網民猜測患一病需長期服藥
單文柔：以為係熱氣、感冒
單文柔續說：「小病是福，之前都重（仲）覺得自己還年輕 ，身體還可以，以為係熱氣、感冒之類，一陣就過，直到有一天爆了，先發現係免疫系統出現問題。」單文柔指沒想過公開病情後會得到如此大的關注：「冇諗過分享後會有咁多朋友msg我，大家都分享自己經歷過嘅事⋯⋯其中一個令我聽到好痛心嘅事，一個好耐沒有聯絡的朋友，告訴我她在經歷嘅事，她有三個很可愛小朋友，都年紀很細，有一天發現自己唔舒服，去檢查時候有一個大病，我聽到之後好難過，但我好欣賞佢嘅樂觀同正能量，調整過後，好好享受每日和家人時光，就好似平時一樣！希望集氣，祝願佢早日康復，繼續睇住小朋友健康長大。」
相關閱讀：陳展鵬爆被小豬比冷落 單文柔夾埋囡囡送驚喜 今年想湊成「好」字：等咗好耐
單文柔令身邊人擔心表示不好意思
單文柔指因為自己的病情引起網民關注表示抱歉：「我寫呢篇文字出嚟係因為真係覺得唔好意思，令到大家擔心了，藉住今次發生嘅事件，聽到別人故事，提醒自己健康真的很重要，好多時候係舒服情況就會遺忘左（咗），以前細個成日大人都話要新年要祝願長輩身體健康，而家真係明白啦，不容易。最後喺呢度真係祝願所有人身體健康，健康快樂。」
