33歲歌手韓子亮IG自行發文宣佈自殺 3年兩度輕生 疑友人代出po：狠來了的故事
發佈時間：14:00 2025-05-27 HKT
現年33歲的歌手韓子亮2023年底驚傳服食過量藥物輕生，需要送院搶救。昨晚（26日）韓子亮再次於IG發動態帖文稱「今次真係食咗百幾粒藥」，疑似服用過量藥物輕生，留言說：「我對唔住幫過我嘅人，同埋借個（過）錢俾我嘅人，來生有機會報答返。」
韓子亮被網民嘲笑「更生歌手」
33歲的香港歌手韓子亮，於2013年初以藝名「梁柏廷Jero」出道成為樂壇新人，但在同年底，他因肛交勒索案而被判入獄26個月，直到2016年出獄後復出，被網民嘲笑是「更生歌手」。其後不斷有負面新聞傳出，包括自殺等。去年9月，《星島申訴王》曾獨家報導，韓子亮捲入桃色糾紛，遭一名港男苦主指控他賣慘借錢不還。
韓子亮發IG動態宣佈：食咗百幾粒藥
昨晚韓子亮再於社交平台一連狂發多個限時動態帖文，第一個帖文留言說：「我對唔住幫過我嘅人，同埋借個（過）錢俾我嘅人，來生有機會報答返。」相隔不足一小時後，韓子亮再發第二個帖文說：「對唔住大家，所有嘢交低咗，我要走先，今次真係食咗百幾粒藥，唔使搵我。」
第二帖文刊出後兩小時，疑似是韓子亮前經理人又在韓子亮的IG發多個限時動態，留言說：「請TL（指韓子亮）嘅朋友立刻上嚟呢個地址，聽醫生講佢仲係神志不清，係立刻上嚟搵我！我係喬」、「中山大學附屬第八醫院喺深圳，你哋自己上嚟問醫生，我係阿喬，洗胃洗100幾粒藥出嚟，TL嘅朋友快啲上嚟搵佢，擔心佢又做傻事，今次救得返算好彩」，再隔一小時後，韓的前經理人又留言說：「醫生話仲有危險，唔知後遺症有幾嚴重，你哋上嚟院，醫生會同大家講。」
韓子亮前經理人：佢真係中毒
然後相隔上一帖文不足一小時，韓的前經理人又發文並附上一張入院通知書的照片說：「佢真係中毒，有冇佢其他嘅朋友上嚟睇吓佢，稍後電話會交返俾佢本人。」然後又分享一段拍到疑似韓子亮躺病床上被推進電梯的影片，前經理人留言說：「我會睇住佢 暫時。」
韓子亮的前經理人隨後再不停分享韓入院的影片及圖片，留言說：「大家唔使打電話俾佢，仲係半昏迷狀態，要留院觀察，真係關心佢嘅人，唔該自己上嚟醫生搵佢，或者DM呢個IG，我暫時會幫佢回覆」、「拜託大家唔好打佢嘅電話搵佢，佢神志不清根本聽唔到電話，我唔會再幫佢聽電話，太多人打電話嚟，有咩事上嚟醫院搵佢？」、「醫生話佢嘅情況洗完胃，肝都有吸收藥物嘅毒素，而家喺大陸嘅公立醫院，有好多嘢要觀察。」
然後再隔兩小時後，韓的前經理人又再發限時動態說：「有無子亮朋友？如果大家而家上嚟探佢嘅話，上幾個story有地址，我係佢前經理人，因為我差唔多就走，我只係睇一睇佢，因為太耐冇follow佢嘅事情。佢暫時係有意識嘅，情況有啲反常，而家要吸氧氣，走之前會交返電話俾佢，你哋可以自己聯絡佢」、「我走先，子亮佢頭先瞓咗，地址如下：深圳中山大學附屬第八醫院 2樓207，19號病床，頭先聽醫生講要檢查幾日，如果佢嘅朋友睇到呢一個story可以上嚟搵佢」。
疑似韓子亮友人：冇人信你自殺
一小時後，又疑似有另一名韓子亮的朋友用韓的手機在IG發文，附上一張韓躺在病床上的照片留言說：「我係第二個到達嘅朋友 唔明點解你要咁傻？」、「冇人信你，所以你醒返，唔好怪我post咗你自己，睇返你收到嘅訊息，冇人信你自殺，其實我本人都唔信，真係好可悲，狠來了嘅故事，本來我都唔信，雖然我唔係同你好熟，但係我到咗，大家可以上嚟問吓醫生，佢仲瞓緊，的而且確韓子亮冇講大話，希望你醒咗睇到呢個動態，唔好再做埋啲傻仔嘢，冇嘢面對唔到」、「大家唔使再質疑佢，佢今次堅自殺」、「我同你大陸嘅朋友都係你身邊，快啲醒」、「希望你可以加油撐住」。
