賈思樂自爆搭的士驚魂！銀包失而復得檢查感驚訝急尋司機：錢其實係其次

更新時間：22:00 2025-05-22 HKT
發佈時間：22:00 2025-05-22 HKT

賈思樂昨日（21日）在IG發文透露遺失銀包，事後失而復得，並在IG分享經過，以及上載與銀包的照片。賈思樂檢查銀包是否有東西遺失後，決定要急尋為他找回銀包的那位的士司機！

賈思樂搭的士後遺失銀包

賈思樂在IG分享，指自己非常幸運，事緣他不小心把銀包遺忘在的士上，過了2小時才驚覺銀包不在自己身上。他拍片表示：「我已經係騰晒雞，其實唔係話唔見咗錢我就好緊張，錢其實係其次，我最擔心就係冇咗身份證，冇咗張回鄉證，冇咗張澳門身份證，跟住我有6、7張信用卡全部喺裡面，哇……我擔心到呢！」

賈思樂遺失銀包搵得返勁驚訝？

賈思樂遇好心的士司機

賈思樂立即報警，正向警察詳述遺失過程時，他接到另一警局的來電，警員指有位的士司機找到他的銀包，通知他盡快到警局取回。他說：「即刻飛車去嗰個警局啦，第一樣check吓我啲嘢，話你聽，所有嘢完全冇郁過，喺晒度！」賈思樂想答謝該名好心司機，於是詢問警察，對方有否留下聯絡方式，「警察都話，有問佢攞過電話，佢話唔使（留電話）喇，話交番畀賈生就得。」賈思樂分享經歷希望大家都知道，其實香港仍有很多老實司機，「佢哋願意喺工作過程中，去警局交番銀包畀警察，再等警察聯絡我，我真係好開心，好激動，因為我唔知呢個司機係邊個，如果你哋有啲的士阿哥，咁啱睇到呢條片，我希望可以傳開去，其實我哋香港司機好多都好老實，thank you!」

相關閱讀：賈思樂與76歲氣質家姐遊西安家庭照流出有個高顏值姨甥女新姐夫好威猛