劉德華拈花惹草？王晶大爆華仔感情事跟俞可欣拍拖細節直指朱麗倩辛苦：做劉太唔容易

更新時間：19:02 2025-05-04 HKT
發佈時間：19:02 2025-05-04 HKT

現年70歲的香港大導演王晶，早前批評「香港頂流」姜濤掀起熱話，王晶過去見證很多巨星誕生，亦和好多巨星稔熟，所以他在個人YouTube頻道節目評論80、90年代的巨星，早前談到曾跟他合作的天王黎明，片中對黎明讚不絕口，而他近日再爆劉德華秘聞，公開其感情生活。

王晶爆劉德華年少愛打架

王晶跟劉德華十分熟落，華仔連自己年少時是打交王也告訴王晶：「佢中學時係打交王，佢嗰時間學校好得意嘅，嗰陣佢知道邊個同邊個有矛盾，放學就喺班房攞開晒啲嘢，搵人睇水，就喺班房入面隻揪！佢就同我講，佢嗰陣係隻揪王嚟，佢咁講啦，哈哈。其實我信佢嘅，因為佢細個時係有少少曳，但入咗行之後就變咗個好靜嘅藝人，但佢玩幾上嚟都好癲，有次我哋喺美國過生日，佢同譚詠麟就剝咗我條褲，仲有相為證添！」

相關閱讀：黎明被爆愛飲酒影響外貌寸咀名導：佢拍唔到早班靠做一事還原靚仔樣

王晶爆劉德華秘聞：

王晶爆華仔俞可欣秘聞

王晶指做劉德華另一半，從來不是容易的事情：「早期俞可欣嘅時候佢有同我講過，佢話嗰時去睇戲，係永遠頭10分鐘同尾10分鐘係睇唔到嘅，因為佢哋係熄咗燈10分鐘之後先夠膽入場，散場前10分鐘就要走，永遠睇唔到結局。係好慘，但要做偶像就一定要犧牲。」

王晶指朱麗倩好辛苦

王晶指除了開口承認鍾意陳玉蓮之外，劉德華好少緋聞，而做劉德華另一半，生活要比他更自律，所以做劉太是十分辛苦，指朱麗倩和劉德華相戀多年，每年都隨時有幾個月不能相見。「有幾年佢同我講，過年時佢哋會去一個冇乜人嘅地方，就喺嗰度二人世界一個禮拜，或者咁樣令佢哋更加珍貴大家，依家有個好家庭又有個女，個女係佢哋想要咗好耐先要到，個女仲要識5種語言，佢依家提起個女，就由個心笑出嚟。」王晶表示，劉德華感情方活只在電影中豐富，現實生活就並不多。提起劉德華有沒有拈花惹草，王晶表示劉德華是一個好自律的人，感情方面更加自律：「老實講如果佢花心嘅話，就一定影響到佢事業，所以佢唔會咁做。」