中年好聲音3丨「譚詠麟愛將」爭奪7強席位出絕招！老婆激罕現身外貌驚為天人 撞樣TVB小花
發佈時間：14:53 2025-05-01 HKT
TVB真人騷《中年好聲音3》決賽登峯之戰將於本月11日假啟德體育園啟德體藝館舉行，最後8強參賽者包括有趙浚承、王鄭浚仁、李金凱、陳芷盈、劉洋、張與辰、占士丁丁及黃博，登峯之戰進入白熱化階段。在本周日（4日）播出以「經典情歌」為主題，上演7強席位爭奪戰！
趙浚承太太激罕現身撐老公
譚詠麟愛將趙浚承今次選唱《Forever Love》，趙浚承在男團「Square」解散後，曾以個人身份再戰樂壇，雖然被「校長」譚詠麟點名提攜和合唱，不過星途仍然未見有起色，最後趙浚承在北京定居兼發展，與北京女友結婚並育有一子，今次7強席位爭奪戰，趙浚承的太太激罕現身撐老公。
相關閱讀：中年好聲音3｜冠軍大熱公開慘受一病症之苦 於台上痛苦難當 受樂壇巨星賞識育有一子
趙浚承太太激罕現身撐老公：
趙浚承北上發展並定居北京
趙浚承是前男團「Square」的成員，在2011年宣布解散後，曾以個人身份再戰樂壇，不過即使得到「校長」譚詠麟的加持，但途仍然未見太大起色。其後趙浚承北上發展並定居北京，去年在龍婷推薦下「回歸」香港參加《中年好聲音3》。趙浚承今次選唱《Forever Love》，未知是否太太親臨現場，趙浚承的演出超澎湃，感情真摯又動人，連太太在台下表現得相當陶醉。趙浚承太太的出現，為大家帶本不少驚喜，原來趙太的外貌清秀，屬氣質型女生，看起來有點似樂潼。
趙浚承令肥媽海兒王馨平哭成淚人
趙浚承的演出同樣令肥媽、海兒及王馨平哭成淚人，就連張佳添亦笑言：「趙浚承，你差啲令我相信返婚姻，功德無量呀！你亦都令我好羨慕你，你人生裏面可以遇到一個女人，令到你咁死心塌地咁愛佢。你今日啲高音好靚、冇緊到喉嚨，同埋個能量係Powerof love，What can I say？」王馨平：「你今日使出咗降龍十八掌嘅功夫，簡單真摯，中咗我心。」肥媽：「真係感覺到佢對住老婆唱嗰種真情forever love，你一唱我已同王老師講佢老婆一定喺度，你feel到佢係同緊一個人講嘢。海兒：「今次你係冇保留嘅，可能你知道（有機會）係last chance，我feel到你係為佢哋而唱。」
相關閱讀：中年好聲音3丨「中3王菀之」陳芷盈越戰越勇被視為黑馬 曾演繹不少福音歌曲 磨練心智面對批評
劉洋被稱為行走的CD
占士丁丁王鄭浚仁趙浚承爭入7強
由於黃博、張與辰、劉洋及陳芷盈的累積分數已拋離其餘四位參賽者一大截，於是本集焦點主要集中於榜尾的占士丁丁、王鄭浚仁及趙浚承如何出盡全力爭入7強，曾經憑張學友的《李香蘭》而贏盡好評的占士丁丁，今次再次揀選學友的經典情歌《妳的名字我的姓氏》應戰，結果獲一致肯定唱廣東歌比唱英文歌更出色。張佳添笑言，作為男人的他也忍不住聽到好冧：「事實證明，你每次唱張學友都唔會令我哋失望。比起你開頭唱《李香蘭》，你真係開始發揮到你嘅廣東話，我有時直情唔記得咗原來你係唔識廣東話。我好少聽男人唱情歌係冧嘅，今日我係冧嘅。」肥媽亦說：「佢唱到一半我已經開始眼紅，同埋Feel到佢個感情，由一個完全唔識中文嘅人去唱，要去表達呢個感情係好難好難。歌曲係世界語言，只有唱到感情係最緊要嘅，我覺得佢觸動到我。」王馨平還說：「雖然佢可能唔係好知道歌詞嘅意思，但somehow佢處理嗰啲字時，有畀到我一啲驚喜，原來有啲廣東字可以咁唱架喎，我好appreciate。」
王鄭浚仁坦承自己沒有「正式拍過拖」
至於向來以技巧取勝的王鄭浚仁，今次選唱《I Will Always Love You》繼續大晒無敵唱功，並獲周國豐及張佳添一再給予肯定，張佳添：「我哋聽到你有好靚嘅聲，你好識用聲、好有技巧。」搞笑的是，王鄭浚仁與評審互動期間坦承自己沒有「正式拍過拖」，嚇到海兒O了嘴兼忍不住問：「係咪真㗎？」最後更因肥媽一句天然呆了好一陣子，場面搞笑。
