奇情谷丨李蘊離婚兩年近排先向仔女交代因何超蓮一番話爆喊：人哋嘅說話已經唔好聽

更新時間：18:00 2025-04-29 HKT
發佈時間：18:00 2025-04-29 HKT

李蘊（Renne）日前被《東周刊》爆出已與金融才俊老公羅章冠離婚2年，本來婚後移居廣州生活的李蘊，近年亦已搬回香港，並積極復出工作。惟早前有網民找到羅章冠2022年曾在IG貼粗口手勢照片，指自己「被欺騙、被背叛、被傷害」，更稱：「願老天保佑，遠離爛人爛事，善惡終有報。」由於發文時間與他們離婚的時間相近，以及二人至今沒交代離婚原因，引起揣測。昨日（29日）播出的TVB節目《奇情谷》，李蘊任嘉賓亦被問及離婚一事。

李蘊近來才向子女交代離婚

李蘊在《奇情谷》分享如何向子女交代離婚一事，她說：「其實而家啲小朋友好聰明，好多嘢佢哋會察覺到，所以要誠實，對佢哋唔可以有任何隱瞞。」李蘊其實於2年前已經離婚，但她沒有對外公布，甚至連8歲女兒及6歲兒子都不知情。她表示：「近嚟先話畀佢哋知係真，佢哋會習慣咗一個新生活方式，但因為小朋友係好容易適應任何嘢，但我真係……喺報導出之前，因為有記者打畀我問，我已經知道要爆嘢呢件事，所以我有同我個女傾過囉！」

相關閱讀：李蘊離婚被質疑背叛前夫首發文回應：睇人PK最開心

李蘊談向子女交代離婚？

李蘊向子女解釋何謂離婚

李蘊指子女性格樂觀，向他們解釋離婚後生活方式有變並不困難，李蘊說：「我問佢（女女兒）知唔知咩係離婚，佢話『離婚即係以後都見唔到爸爸或者媽媽』，咁佢有個誤解喺度，所以我就要同佢解釋，離婚唔係咁樣。離婚只係父母雙方一個感情問題，係唔會影響到小朋友……即係唔係唔影響，始終都唔係一個好完整嘅家庭，但唔會因為離咗婚而令小朋友冇咗爸爸或者媽媽囉，冇人可以剝削呢個權利囉！」李蘊指子女經她解釋，以及經歷了一年多父母分開居住的生活，他們已適應，「我覺得會令佢哋更識期待，珍惜短暫的相處時間。」

李蘊獨自消化離婚低潮

至於離婚原因，李蘊沒有多談，「每件事都有好有壞，我唔係話離婚係好事，冇人結婚係想離婚，只不過我覺得每件事發生都係有佢嘅原因，同埋都會有得着囉！」李蘊坦言夫妻感情出現問題，而她選擇獨自消化離婚低潮，事隔一陣子才跟身邊人公布消息，「我覺得屋企人我會講囉，但呢啲始終好私人嘅嘢，同埋始終係公眾人物，我覺得呢件事可能會畀人覺得醜，所以我覺得要自己用時間去消化。」經過這段婚姻她分享：「我覺得咩都要考慮清楚，當初結婚……我覺得每個人做任何決定都要考慮得好清楚先去做囉，以前嘅我可能太衝動。」直言現在已成長，以後學會要分析再作行動，似乎暗示自己當日結婚太衝動。

李蘊21年貼手臂瘀黑相被揣測遭家暴？

何超蓮搞喊李蘊：好心痛佢

李蘊回復單身，如今努力工作，何超蓮phone-in到《奇情谷》力撐好友復出，她透過電話訪問說︰「Renee係我圈中至好嘅真心閨密，人又靚又有義氣，你做主播、出歌都繼續支持你，其實呢啲說話平時都講好多。」她接住補充說︰「有傾開career path點行，但係佢為咗小朋友，想陪住佢哋大，真係無乜自己嘅生活，而家出返嚟做嘢係100%支持。」她大爆李蘊「缺點」就是怕麻煩人，她面對困難寧可獨自承擔，何超蓮抱怨說︰「好多時係件事過咗，佢只輕描淡寫講返出嚟，唔想將唔開心帶畀朋友，我同鄧小姐（G.E.M.）都好心痛佢。好似今趟叫我call-in，佢勁唔好意思，係咁話『麻煩到你』其實有咩所謂呢？佢好多呢啲位……」李蘊聞言後已哭成淚人，她哽咽說︰「大家背景已經唔一樣，人哋嘅說話已經唔好聽，但我哋友誼自己知就得。」