奇情谷丨李蕴离婚两年近排先向仔女交代因何超莲一番话爆喊：人哋嘅说话已经唔好听

更新时间：18:00 2025-04-29 HKT
发布时间：18:00 2025-04-29 HKT

李蕴（Renne）日前被《东周刊》爆出已与金融才俊老公罗章冠离婚2年，本来婚后移居广州生活的李蕴，近年亦已搬回香港，并积极复出工作。惟早前有网民找到罗章冠2022年曾在IG贴粗口手势照片，指自己「被欺骗、被背叛、被伤害」，更称：「愿老天保佑，远离烂人烂事，善恶终有报。」由于发文时间与他们离婚的时间相近，以及二人至今没交代离婚原因，引起揣测。昨日（29日）播出的TVB节目《奇情谷》，李蕴任嘉宾亦被问及离婚一事。

李蕴近来才向子女交代离婚

李蕴在《奇情谷》分享如何向子女交代离婚一事，她说：「其实而家啲小朋友好聪明，好多嘢佢哋会察觉到，所以要诚实，对佢哋唔可以有任何隐瞒。」李蕴其实于2年前已经离婚，但她没有对外公布，甚至连8岁女儿及6岁儿子都不知情。她表示：「近嚟先话畀佢哋知系真，佢哋会习惯咗一个新生活方式，但因为小朋友系好容易适应任何嘢，但我真系……喺报导出之前，因为有记者打畀我问，我已经知道要爆嘢呢件事，所以我有同我个女倾过啰！」

相关阅读：李蕴离婚被质疑背叛前夫首发文回应：睇人PK最开心

李蕴谈向子女交代离婚？

李蕴向子女解释何谓离婚

李蕴指子女性格乐观，向他们解释离婚后生活方式有变并不困难，李蕴说：「我问佢（女女儿）知唔知咩系离婚，佢话『离婚即系以后都见唔到爸爸或者妈妈』，咁佢有个误解喺度，所以我就要同佢解释，离婚唔系咁样。离婚只系父母双方一个感情问题，系唔会影响到小朋友……即系唔系唔影响，始终都唔系一个好完整嘅家庭，但唔会因为离咗婚而令小朋友冇咗爸爸或者妈妈啰，冇人可以剥削呢个权利啰！」李蕴指子女经她解释，以及经历了一年多父母分开居住的生活，他们已适应，「我觉得会令佢哋更识期待，珍惜短暂的相处时间。」

李蕴独自消化离婚低潮

至于离婚原因，李蕴没有多谈，「每件事都有好有坏，我唔系话离婚系好事，冇人结婚系想离婚，只不过我觉得每件事发生都系有佢嘅原因，同埋都会有得着啰！」李蕴坦言夫妻感情出现问题，而她选择独自消化离婚低潮，事隔一阵子才跟身边人公布消息，「我觉得屋企人我会讲啰，但呢啲始终好私人嘅嘢，同埋始终系公众人物，我觉得呢件事可能会畀人觉得丑，所以我觉得要自己用时间去消化。」经过这段婚姻她分享：「我觉得咩都要考虑清楚，当初结婚……我觉得每个人做任何决定都要考虑得好清楚先去做啰，以前嘅我可能太冲动。」直言现在已成长，以后学会要分析再作行动，似乎暗示自己当日结婚太冲动。

李蕴21年贴手臂瘀黑相被揣测遭家暴？

何超莲搞喊李蕴：好心痛佢

李蕴回复单身，如今努力工作，何超莲phone-in到《奇情谷》力撑好友复出，她透过电话访问说︰「Renee系我圈中至好嘅真心闺密，人又靓又有义气，你做主播、出歌都继续支持你，其实呢啲说话平时都讲好多。」她接住补充说︰「有倾开career path点行，但系佢为咗小朋友，想陪住佢哋大，真系无乜自己嘅生活，而家出返嚟做嘢系100%支持。」她大爆李蕴「缺点」就是怕麻烦人，她面对困难宁可独自承担，何超莲抱怨说︰「好多时系件事过咗，佢只轻描淡写讲返出嚟，唔想将唔开心带畀朋友，我同邓小姐（G.E.M.）都好心痛佢。好似今趟叫我call-in，佢劲唔好意思，系咁话『麻烦到你』其实有咩所谓呢？佢好多呢啲位……」李蕴闻言后已哭成泪人，她哽咽说︰「大家背景已经唔一样，人哋嘅说话已经唔好听，但我哋友谊自己知就得。」