薛家燕三代同堂遊日曝光全家福嫲孫合照一表情似到十足十

更新時間：23:00 2025-02-13 HKT
發佈時間：23:00 2025-02-13 HKT

74歲的薛家燕自當年復出賺錢養大三個仔女，多年來吸金力強，有傳薛家燕身家逾億，手持多個物業。兒子石耀庭於2018年結婚，薛家燕已榮升嫲嫲，近日薛家燕一家人趁新年期間到日本旅行，三代同堂的幸福家庭照同時曝光。

薛家燕合照溫馨

薛家燕昨日（12日）在IG出PO，見到她以富士山為背景，扶住3歲半大的孫仔Julian合照，二人望住鏡頭笑到四萬咁口，表情如出一轍，畫面溫馨。另一張照片見到戴紅帽穿上紅色外套的薛家燕，與兩個女兒、兒子、新抱及孫仔，一齊擺出恭喜動作，一家人她有愛。

相關閱讀：74歲薛家燕心廣體胖再發福上圍勁過肥媽身位視覺夠震撼

薛家燕舉家遊日曝光全家福：

原本今次的日本行，薛家燕因愛錫孫仔，而滿足孫仔所選目的地：「忙碌咗好幾個月，終於有時間放個大假，新年期間同屋企人一齊去旅行！Julian對日本情有獨鍾，所以今次聽佢意見，揀咗日本做目的地，有人話見到清晰嘅富士山，係一件好難得、好幸運嘅事，我哋都總算喺新年年初就行個大運，富士山真係好靚、好壯觀，我都忍唔住不停打卡呀！」