星8卦丨「少爺」發明星夢沉迷賭博債務纏身唔要面自救

更新時間：11:30 2025-02-14 HKT
發佈時間：11:30 2025-02-14 HKT

「少爺」做乜搞到咁落魄？大家都一直以為佢好掂，其實掂嗰個家庭係阿叔，同佢老竇冇關。呢個世界大話講多幾次就以為係真話，「少爺」亦好叻製造呢種假象，對住幫到自己建立形象嘅人又好疏爽，派嘅初時亦係老竇嘅錢，但耐咗就梗係唔得。

最慘係一日到黑都發明星夢，仲為咗人哋講句唔靚仔，個樣越執越誇張，搞到不知所謂，而且冇做藝人天份真係唔好勉強呀，老竇最後閂水喉叫佢清醒啲。問題係入咗行之後識埋啲有不良嗜好嘅人，結果係成日跟埋班人去賭錢，人哋以為你有錢，夾埋啲不良分子當你係水魚。

相關閱讀：星8卦丨「太太」得「富豪」照顧為面子嫁「明星」做兼職養家財來自有方

不過後嚟都唔使設局，好似撞鬼咁自己得閒就過大海，完全著晒魔，借埋借埋條數真係還幾世都搞唔掂，老竇豆話之你死，咪叫我拎埋啲老本出嚟，因為係無底深潭。「少爺」見勢頭唔對，用正常方式借嘅加埋其他途徑真係搞唔掂，決定唔再死撐，冇面就冇面，何況佢諗住唔係香港住，咁就唔使見人，拎住已經收埋嘅老本去個草根地方，一樣可以逍遙快活咁過埋下半世。

相關閱讀：星8卦丨「歌女」追「阿叔」諗住有錢搵兩面不是人遇渣男撇清不倫戀

↓立即下載星島頭條App↓