星8卦丨「歌女」追「阿叔」諗住有錢搵兩面不是人遇渣男撇清不倫戀

更新時間：11:30 2025-02-04 HKT
發佈時間：11:30 2025-02-04 HKT

「歌女」今次真係跟錯男人，以為「阿叔」有料到，可以幫到自己嘅星途，Sorry囉，呢條友名副其實空心佬倌。「歌女」有名你叫，佢慣咗賣歌亦賣身，自從跟咗大碼頭之後，唔使再拋頭露面，的確係矜貴咗，但問題係呢種生活方式佢仍然覺得唔夠，對「阿叔」生滋貓入眼，主動出擊，諗住佢有頭有面，一定幫到自己嘅星途。

相關閱讀：星8卦丨「鬼妹」做「高佬」女朋友當賭債肉償扭曲關係分手

殊不知「阿叔」咁多年都係普普通通，財政啱啱好，「歌女」跟咗佢之後，工作量多咗，但次次做完嘢都冇糧出，「阿叔」呃呃氹氹咁綁住個女人喺身邊就梗係唔放手，好使好用吖嘛！問題係「阿叔」有老婆，而且仲係畏妻嗰隻，好快呢段不倫戀就畀老婆知道，call咗十幾個人去招呼「歌女」打到佢成個星期出唔到街。

相關閱讀：星8卦丨「古惑」愛滾「大婆」心水清每年計數互相尊重高人夫婦

最厲害係自己搵人跟呢對姦夫淫婦嘅偷情行為，鐵證如山搵相熟朋友幫手散出去，果然「歌女」邊度都唔使去，小三一向都係被圍剿嘅，「歌女」即刻唔見咗幾個廣告，連演出都取消埋，激到公司話要將佢雪足半年，之後再睇表現。更可憐係個男人為咗唔令老婆咁嬲，話好難避免女人主動，但依家知錯喎。「歌女」呢鋪睇怕有排都唔駛翻身囉！

相關閱讀：星8卦丨「阿太」被老爺揀選嫁好人家難頂小三小四騷擾情緒出事

↓立即下載星島頭條App↓