星8卦丨「歌女」追「阿叔」谂住有钱揾两面不是人遇渣男撇清不伦恋

更新时间：11:30 2025-02-04 HKT
发布时间：11:30 2025-02-04 HKT

「歌女」今次真系跟错男人，以为「阿叔」有料到，可以帮到自己嘅星途，Sorry啰，呢条友名副其实空心佬倌。「歌女」有名你叫，佢惯咗卖歌亦卖身，自从跟咗大码头之后，唔使再抛头露面，的确系矜贵咗，但问题系呢种生活方式佢仍然觉得唔够，对「阿叔」生滋猫入眼，主动出击，谂住佢有头有面，一定帮到自己嘅星途。

相关阅读：星8卦丨「鬼妹」做「高佬」女朋友当赌债肉偿扭曲关系分手

殊不知「阿叔」咁多年都系普普通通，财政啱啱好，「歌女」跟咗佢之后，工作量多咗，但次次做完嘢都冇粮出，「阿叔」呃呃氹氹咁绑住个女人喺身边就梗系唔放手，好使好用吖嘛！问题系「阿叔」有老婆，而且仲系畏妻𠮶只，好快呢段不伦恋就畀老婆知道，call咗十几个人去招呼「歌女」打到佢成个星期出唔到街。

相关阅读：星8卦丨「古惑」爱滚「大婆」心水清每年计数互相尊重高人夫妇

最厉害系自己揾人跟呢对奸夫淫妇嘅偷情行为，铁证如山揾相熟朋友帮手散出去，果然「歌女」边度都唔使去，小三一向都系被围剿嘅，「歌女」即刻唔见咗几个广告，连演出都取消埋，激到公司话要将佢雪足半年，之后再睇表现。更可怜系个男人为咗唔令老婆咁嬲，话好难避免女人主动，但依家知错㖞。「歌女」呢铺睇怕有排都唔驶翻身啰！

相关阅读：星8卦丨「阿太」被老爷拣选嫁好人家难顶小三小四骚扰情绪出事

↓立即下载星岛头条App↓