何傲兒結婚丨兩年前突面癱中西合壁治療 醫逾100日康復後仍留後遺症
發佈時間：17:23 2025-02-12 HKT
36歲何傲兒（現名何天兒）趁今日（12日）元宵佳節，突然在IG宣布婚訊，晒出一輯在希臘拍攝的靚人美景婚紗照，不過男方未有正面曝光。何傲兒於2023年曾被爆銷聲匿跡三個月，其後自揭失蹤原因與病情有關。
何傲兒多度傳變樣
何傲兒離巢TVB後，有一段時間北上發展，在網上分享扮靚心得，只是多度被網民指「變樣」。何傲兒於2023年6月在IG透露突然面癱，當時花上三個半月時間，在中西合璧治療下，才回復昔日美貌。
相關閱讀：前TVB花旦何傲兒近照曝光！身材凹凸有致現「湯碗胸」 出身富裕曾傳爺孫戀
何傲兒兩年前驚爆出現面癱：
何傲兒當時分享一條長達3分鐘的影片，透露病況：「其實就係你嘅第7條1交义神經線出現咗問題，而導致你嘅面部肌肉唔識郁。」片中見到何傲兒右邊面問題嚴重，不會眨眼：「鼻哥窿嘅肌肉都唔識得收縮，連笑嘅時候，嘴角都係唔識得郁。」
相關閱讀：何傲兒面癱留有後遺症 眼皮無力嘴角下垂靠經絡筆刺激神經
何傲兒身體現警號
未出現面癱問題前，何傲兒的身體已出現警號：「第一日食早餐嘅時候，條脷好似有層膜包住，味覺弱咗。到咗第二日就出現右邊後腦位置頭痛，呢個情況出現咗幾日，我都有試過拉筋，但係情況都冇改善。到咗第三日出現喺隻眼，眨眼嘅感覺同時捽眼係唔同，不過因為有工作，所以諗住第二日先去睇眼科。」
相關閱讀：何傲兒突躋身上流賀富二代王大業生日 曾傳與富商譜「爺孫戀」最轟動
何傲兒上唇麻痺
何傲兒到第四日便知出事：「上唇完全麻咗，但係味覺依然係有，不過我做完嘢就有啲怕，飲紙包豆漿嘅時候，竟然要打斜飲。」何傲兒即時去睇中醫：「佢叫我試吓個一個動作，但係出現漏氣情況，之後即刻做針灸同食藥，夜晚就去睇西醫。」
相關閱讀：何傲兒家姐何傲芝結婚嫁「帝皇翡翠」太子爺身家豐厚 沈卓盈林盛斌現身婚宴星光熠熠
何傲兒突然宣布結婚：
服用抗敏藥及14日高劑量類固醇後，何傲兒的所有病徵都出現：「醫生話如果想知原因，抽骨髓係其中一個方法，我梗係唔會喇，中醫就問之前係受咗涼，當然仲可能因壓力太大，影響咗你嘅免疫力，而導致免疫系統出現問題，神經系統受損，就會出現面癱。」
相關閱讀：前TVB花旦何傲兒近照曝光！身材凹凸有致現「湯碗胸」 出身富裕曾傳爺孫戀
何傲兒有後遺症
何傲兒病癒後一個月再拍片，透露仍有後遺症，幸好非肉眼可見：「我收緊耳仔時會有繃緊嘅感覺，咁我就會提醒自己多啲放鬆頭皮，仲有就係要少捱夜，set一個時間畀自己，假設係10分鐘或半個鐘，我就會上床休息。」
