伍富橋堅稱絕不後悔閃婚！由富二代躍升做億萬駙馬同呢件事有關：好似畀佢迷住
發佈時間：15:33 2025-01-18 HKT
30歲伍富橋（Alvin）自2022年與富家女梁兆楹（Shirley）結婚後，生活質素十級跳，不單居住於西貢相思灣5千呎豪宅，更周身名牌兼環遊世界，因而被標籤為「億萬駙馬」，一舉一動都受到外間關注，惹來不少是非。
伍富橋因為這種原因而被太太吸引
伍富橋近日接受商台節目訪問，坦承一度懷疑自己不適合娛樂圈想過退出，亦因此考取健身教練牌準備轉行，但得太太鼓勵而改變決定。伍富橋還表示因為這種原因而被太太吸引：「一開始識佢，就好似畀佢迷住咗，同佢好好傾，會講晒自己啲秘密畀佢聽。」
相關閱讀：「億萬駙馬」伍富橋嚴肅喝止富貴老婆！關乎5千呎豪宅安危 Man爆獲讚真男人
伍富橋由「富二代」變「億萬駙馬」：
伍富橋由「富二代」變成「億萬駙馬」
伍富橋在2020年與富家女梁兆盈（Shirley）閃婚，伍富橋由最初出道曾被封為「富二代」變成「億萬駙馬」，惹來大批網上酸民嘲諷。葵涌區成長的伍富橋入行初期因駕駛名車及開設舞蹈學校被傳媒封為「富二代」，對此他說：「自己唔係富二代，只可說小康，但都好多謝屋企將最好嘅嘢都畀我，幾辛苦都供我去外國讀書。」談及與妻子相識過程，伍富橋笑稱：「當初我做娛樂新聞台主播，Shirley係 PA（製作助理）。嗰陣佢好唔鍾意我，因為我要寫稿，專心就唔同人打招呼，佢會覺得我好冇禮貌！當初我都冇留意佢，係之後過咗好耐，朋友帶佢上嚟我間GYM，再因為一個偶然嘅飯局令我哋認識。」
伍富橋大讚太太有種令人想談天魅力
伍富橋大讚太太性格爽朗、重情義，有種令人一直想跟她談天的魅力，「一開始識佢，就好似畀佢迷住咗，同佢好好傾，會講晒自己啲秘密畀佢聽。」到了2020年，伍富橋的事業低迷拍劇與出歌數量越來越少，令他一度懷疑自己不適合娛樂圈想過退出，他亦因此考取健身教練牌準備轉行：「係太太鼓勵我留低，留低係因為初心。就算而家有自己嘅事業，但都係唔唱歌唔舒服，係太太鼓勵我搵返自己鍾意做嘅嘢。」曾兩度面試《巨聲》失敗的伍富橋，為了追夢即使身處美國升學，亦本著「不信邪」的心態放低學業回港再接再厲第三次參賽，他笑稱：「玩到啲工作人員都認得我。」
相關閱讀：「億萬駙馬」伍富橋搬新屋樓底超高 巨廳大到與岳母打乒乓波 大晒珍藏Figure
伍富橋婚後富貴招妒忌？
伍富橋曾介意被封為「億萬駙馬」
對於被外間封為「億萬富馬」及「食軟飯」，伍富橋被何時才知道太太的家境，他說：「佢邀請我去佢屋企先知，嗰陣已經差唔多一齊。」被問到會否介意傳媒或網民由標籤他「富二代」到改成「億萬駙馬」多番揶揄，伍富橋坦白道：「一開始有介意，以前未試過有咁激烈嘅批評。但要多謝太太，佢EQ好高同我分析，我最心痛佢長期畀人批評佢嘅外表，但反而係佢安慰返我轉頭。一個女仔畀人長期批評外表，我唔覺得佢會開心囉，呢樣亦係我好愧疚同心痛的地方。」
伍富橋堅稱絕不後悔與太太閃婚
伍富橋還說：「你點批評我無問題，因為我係喺呢個圈，份工係包埋，但你批評我太太，我係好唔鍾意。以前唔覺人係憎人富貴厭人貧，而家係有啲咁感覺，無人講我教跳舞教健身，唔通我將我每個月糧單拎出嚟畀大家睇，話畀人聽我自己養自己咩？」 伍富橋堅稱絕不後悔與太太閃婚的決定：「唔後悔，無論係咪做呢行，伴侶係另一件事，有好多批評、親人亦有質疑，但只要雙方心裡面有對方，無論有咩難關，只要身邊有對方，就已經好感恩。」
