伍富桥坚称绝不后悔闪婚！由富二代跃升做亿万驸马同呢件事有关：好似畀佢迷住
发布时间：15:33 2025-01-18 HKT
30岁伍富桥（Alvin）自2022年与富家女梁兆楹（Shirley）结婚后，生活质素十级跳，不单居住于西贡相思湾5千呎豪宅，更周身名牌兼环游世界，因而被标签为「亿万驸马」，一举一动都受到外间关注，惹来不少是非。
伍富桥因为这种原因而被太太吸引
伍富桥近日接受商台节目访问，坦承一度怀疑自己不适合娱乐圈想过退出，亦因此考取健身教练牌准备转行，但得太太鼓励而改变决定。伍富桥还表示因为这种原因而被太太吸引：「一开始识佢，就好似畀佢迷住咗，同佢好好倾，会讲晒自己啲秘密畀佢听。」
相关阅读：「亿万驸马」伍富桥严肃喝止富贵老婆！关乎5千呎豪宅安危 Man爆获赞真男人
伍富桥由「富二代」变「亿万驸马」：
伍富桥由「富二代」变成「亿万驸马」
伍富桥在2020年与富家女梁兆盈（Shirley）闪婚，伍富桥由最初出道曾被封为「富二代」变成「亿万驸马」，惹来大批网上酸民嘲讽。葵涌区成长的伍富桥入行初期因驾驶名车及开设舞蹈学校被传媒封为「富二代」，对此他说：「自己唔系富二代，只可说小康，但都好多谢屋企将最好嘅嘢都畀我，几辛苦都供我去外国读书。」谈及与妻子相识过程，伍富桥笑称：「当初我做娱乐新闻台主播，Shirley系 PA（制作助理）。𠮶阵佢好唔钟意我，因为我要写稿，专心就唔同人打招呼，佢会觉得我好冇礼貌！当初我都冇留意佢，系之后过咗好耐，朋友带佢上嚟我间GYM，再因为一个偶然嘅饭局令我哋认识。」
伍富桥大赞太太有种令人想谈天魅力
伍富桥大赞太太性格爽朗、重情义，有种令人一直想跟她谈天的魅力，「一开始识佢，就好似畀佢迷住咗，同佢好好倾，会讲晒自己啲秘密畀佢听。」到了2020年，伍富桥的事业低迷拍剧与出歌数量越来越少，令他一度怀疑自己不适合娱乐圈想过退出，他亦因此考取健身教练牌准备转行：「系太太鼓励我留低，留低系因为初心。就算而家有自己嘅事业，但都系唔唱歌唔舒服，系太太鼓励我揾返自己钟意做嘅嘢。」曾两度面试《巨声》失败的伍富桥，为了追梦即使身处美国升学，亦本著「不信邪」的心态放低学业回港再接再厉第三次参赛，他笑称：「玩到啲工作人员都认得我。」
相关阅读：「亿万驸马」伍富桥搬新屋楼底超高 巨厅大到与岳母打乒乓波 大晒珍藏Figure
伍富桥婚后富贵招妒忌？
伍富桥曾介意被封为「亿万驸马」
对于被外间封为「亿万富马」及「食软饭」，伍富桥被何时才知道太太的家境，他说：「佢邀请我去佢屋企先知，𠮶阵已经差唔多一齐。」被问到会否介意传媒或网民由标签他「富二代」到改成「亿万驸马」多番揶揄，伍富桥坦白道：「一开始有介意，以前未试过有咁激烈嘅批评。但要多谢太太，佢EQ好高同我分析，我最心痛佢长期畀人批评佢嘅外表，但反而系佢安慰返我转头。一个女仔畀人长期批评外表，我唔觉得佢会开心啰，呢样亦系我好愧疚同心痛的地方。」
伍富桥坚称绝不后悔与太太闪婚
伍富桥还说：「你点批评我无问题，因为我系喺呢个圈，份工系包埋，但你批评我太太，我系好唔钟意。以前唔觉人系憎人富贵厌人贫，而家系有啲咁感觉，无人讲我教跳舞教健身，唔通我将我每个月粮单拎出嚟畀大家睇，话畀人听我自己养自己咩？」 伍富桥坚称绝不后悔与太太闪婚的决定：「唔后悔，无论系咪做呢行，伴侣系另一件事，有好多批评、亲人亦有质疑，但只要双方心里面有对方，无论有咩难关，只要身边有对方，就已经好感恩。」
