星8卦丨「才子」耍性格被封冇入息肯跪低獲撐有財有威過新年

即時娛樂

更新時間：11:30 2025-01-14 HKT
發佈時間：11:30 2025-01-14 HKT

有冇發覺「才子」最近靜得好緊要？今年初步估計佢應該同所有頒獎禮無緣？一直以嚟最撐佢嘅係「勁台」，但唔知年中接咗一單係「勁台」死對頭嘅工作，「勁台」開到聲叫佢推，但「才子」份人都好有性格嘅，結果話之你我係要去做呀！

相關閱讀：星8卦丨「波神」見高拜兩副面孔冇本心被爆戀情唔認怕得罪真金主

成年落嚟「勁台」都唔出力，「才子」咪冇咗個大後盾，靜晒自然冇人記得冇人搵冇入息。終於知道做人要現實啲，佢又好彩年尾有隻大熱歌，亦睇到佢有才華嘅一面，最重要係「才子」改晒以前寸爆嘅行為，乜嘢訪問都做，仲要好合作咁話有乜宣傳都配合。

自從肯跪低之後，「勁台」梗係好配合，即刻將本來好好嘅hit歌推番上榜首，仲要全線令佢變成神歌，今年頒獎禮亦決定要令佢上返神枱，眾星拱照。「才子」梗係鬆一口氣，呢個世界有人撐緊要過畀欣賞自己有性格，佢仲答應全年所有節目都支持，然後幫手做一個大show 幫「勁台」搵錢。總之依家兩家高興，要錢有錢，要威有威，2025有個好開始！

相關閱讀：星8卦丨「辣椒」爭輸大場賴「經理」辦事不力唔出糧

↓立即下載星島頭條App↓