星8卦丨「才子」耍性格被封冇入息肯跪低获撑有财有威过新年

即时娱乐

更新时间：11:30 2025-01-14 HKT
发布时间：11:30 2025-01-14 HKT

有冇发觉「才子」最近静得好紧要？今年初步估计佢应该同所有颁奖礼无缘？一直以嚟最撑佢嘅系「劲台」，但唔知年中接咗一单系「劲台」死对头嘅工作，「劲台」开到声叫佢推，但「才子」份人都好有性格嘅，结果话之你我系要去做呀！

相关阅读：星8卦丨「波神」见高拜两副面孔冇本心被爆恋情唔认怕得罪真金主

成年落嚟「劲台」都唔出力，「才子」咪冇咗个大后盾，静晒自然冇人记得冇人揾冇入息。终于知道做人要现实啲，佢又好彩年尾有只大热歌，亦睇到佢有才华嘅一面，最重要系「才子」改晒以前寸爆嘅行为，乜嘢访问都做，仲要好合作咁话有乜宣传都配合。

自从肯跪低之后，「劲台」梗系好配合，即刻将本来好好嘅hit歌推番上榜首，仲要全线令佢变成神歌，今年颁奖礼亦决定要令佢上返神枱，众星拱照。「才子」梗系松一口气，呢个世界有人撑紧要过畀欣赏自己有性格，佢仲答应全年所有节目都支持，然后帮手做一个大show 帮「劲台」揾钱。总之依家两家高兴，要钱有钱，要威有威，2025有个好开始！

相关阅读：星8卦丨「辣椒」争输大场赖「经理」办事不力唔出粮

↓立即下载星岛头条App↓