21歲美女歌手被黑人非禮爆粗詳述委屈實況：佢係有心揸我！

更新時間：16:00 2025-01-08 HKT
發佈時間：16:00 2025-01-08 HKT

21歲女歌手陳伊霖出道兩年，代表作《我的吸引力法則》推出後為人所熟悉，亦有參加今年1月1日的《吒叱樂壇頒獎典禮 2024》。陳伊霖五官標緻身材不俗，故此收穫不少宅男粉絲。她昨日（8日）更新IG限時動態，大爆被黑人非禮，但卻「咩都做唔到」，嬲得她於網上爆粗「好Ｘ核突」！

陳伊霖遭黑人非禮

她於IG分享了不快經歷：「次次疑似俾人非禮我都會幫對方諗籍口，一定係唔小心揩到，但今次好肯（定）係真了。擦身而過再被反手揸咗一下Pat Pat，係揸，係揸，係揸，唔係揩到，冇可能係唔小心！一轉頭望係一個高小至初中年紀的黑人男仔，身邊跟住個女人，睇唔清楚係咩人。」

相關閱讀：陳伊霖揀男友睇才華舊愛全部其貌不揚樂壇新人視鄭秀文為目標丨獨家

陳伊霖講被非禮過程：

對於突如其來的非禮，陳伊霖毫無辦法：「二對一知道自己乜都做唔到，個男仔仲要好似乜都冇做過咁無辜地望住我，我淨係夠膽對佢講咗聲Fxxk you，之後我覺得好委屈好唔明點解偏偏身邊冇人幫手，點解我乜都做唔到，白白地俾人揸咗一下！」

曾傳陳伊霖介入應智越感情

陳伊霖對今次不快經歷覺得十分委屈，難怪會嬲到爆粗：「唔好同我講好小事，我覺得唔小事，到依家仲Feel到個Pat Pat有餘感，好Ｘ核突！」陳伊霖於23年，曾與出身於《全民造星》的「細貓」應智越合演舞台劇《得個夢、冇銀用》，當時應智越被前度女友大爆出軌，當時有傳就是陳伊霖介入二人關係，成為細貓偷食的嫌疑人。雖然細貓否認其事，但陳伊霖就無辜被扯入「小三」漩渦之中。陳伊霖當時表示，不覺得人生污點，只會當成是入行後的小挫折。

相關閱讀：細貓應智越否認出軌被舊愛轟講大話 Kero舉證狙擊到底：我絕唔會罷手