《愛回家》小花葉蒨文入馬場遇意外！被人兜頭淋藍色液體 由頭濕到腰極狼狽
發佈時間：17:00 2024-12-09 HKT
韓國天王RAIN（鄭智薰）昨日（8日）出席在沙田馬場舉行的國際賽事活動，並擔任開幕表演嘉賓，大晒舞功及麒麟臂。TVB處境劇《愛．回家之開心速遞》「Candy」葉蒨文（Sophie）昨日入場追星，沒料到入場一碰運氣，竟然出意外。
葉蒨文變藍色人
葉蒨文在IG分享昨日在馬場所遇經歷，她表示睇完RAIN演出後，滿心歡喜去食自助餐，怎料坐低未夠5分鐘，被侍應兜頭淋一盤藍色飲品，令她由頭濕到腰，變成藍色人。葉蒨文之後要換低身上的米白色衫，換上馬會的員工制服，並等待清洗的衣物。
相關閱讀：RAIN首次到馬場表演感幸福 食過美食想遊覽香港風景 預告明年計劃香港菲律賓泰國開巡場
葉蒨文馬場追星變奇遇：
相關閱讀：魏浚笙遺憾未能與RAIN集郵 曾與林明禎合作稱冇失場情況 鄧卓殷與郭子豪籌備婚禮冇拗撬
葉蒨文原穿米白裙
葉蒨文晒出變裝前後的打卡相，見到她原本穿上一襲米白色露肩長裙，在場內滿天飛影相。之後葉蒨文換上馬會員工的套裝，看起來零違和感，而且在場內等待清洗衣物的兩小時，更為葉蒨文帶來好運贏馬，算是因禍得福。葉蒨文留言：「今日喺馬會有個奇遇，睇完Rain Oppa演出，就滿心歡喜上去食自助餐，坐低唔夠5分鐘，有一個侍應手攞着一盤藍色嘅飲品喺我後面不小心由頭淋落腰，着咗全身米白色嘅我變咗一個藍色人，跟住馬會馬上安排我除套衫落嚟幫我洗乾淨套衫，於是我就着住佢哋嘅員工制服2小時。」
相關閱讀：《愛回家》小花葉蒨文束胸衣黑絲超索現身 大晒絕對領域 網民：有隻鹹濕鬼
葉蒨文見人稱返工
換上制服後的葉蒨文，不忘跟朋友開玩笑：「我周圍見到朋友都話我今日係馬會一日嘅員工，我已經加入咗馬會呢個大家庭，佢哋員工同我傾偈，我仲話：我第一日返工我唔傾偈啦，冇咩吩咐我出返去做嘢先！」葉蒨文坦言最神奇是有朋友話水為財，她便心血來潮買馬：「一開始兜頭淋要即刻買吓馬，於是我望一望個電視機見到隻7號行出嚟，我乜都冇理我第二場就買咗7號，點知真係跑第一！」
相關閱讀：葉蒨文生日收「You are my LOVE」玫瑰花束 男友意外「入鏡」洩蜜甜到漏
葉蒨文入行8年獲不少工作機會：
相關閱讀：《愛回家》小花葉蒨文吸金Sell新界豪宅？ 緊身小背心上陣成功獲關注
葉蒨文未透露獎金銀碼
葉蒨文未有透露贏了多少獎金，卻因為贏馬而心情特別好：「雖然買咗唔係好多錢，但係我覺得行咗個好運心情特別好！落沙圈前我已經成功換返套衫啦，不禁要讚吓馬會洗衣乾衣嘅速度！」葉蒨文除感謝經理幫忙外，又自爆事發時一度慘叫嚇親人：「淋到嗰一下慘叫咗一聲 #希望嗰位同事冇俾我嚇親 #謝謝你幫我贏咗馬 #有趣的一天」，想法好正面。
