星8卦丨「嬌嗲」任性離婚捱窮重病前夫重情義照顧成為好朋友

更新時間：11:30 2024-10-18
發佈時間：11:30 2024-10-18

因為知道老公包養好朋友，「嬌嗲」終於接受唔到事實。畢竟嫁入呢個門口嗰陣，自己出身普通，老公屋企人又唔係好睇得起自己，好在生咗幾個出色小朋友，繼後香燈之餘又可以分到身家。

老公份人好長情架，連初戀女友都成日一齊食飯，「嬌嗲」而家同老公分開咁多年，一樣成日同佢歷任女朋友同枱食飯，鍾唔鍾意另一回事，但證明老公真係一個有情有義嘅人。當初「嬌嗲」下堂求去，老公已經同佢講，你出咗去搞唔掂，生活唔到架，你繼續隻眼開隻眼閉咪算囉。

「嬌嗲」都知嘅，但今次係同死黨有路，兩個人仲諗住冇人知，老公心地好希望幫死黨搵生意而通咗天，「嬌嗲」覺得好月冇面，所以好唔理智咁決定要分開。結果梗係畀老公睇死，食慣用慣嘅少奶奶，最後仲要屈出病，好彩啲細路好生性，對媽媽照顧，老公亦畀晒醫藥費同埋生活費。

「嬌嗲」而家都話多謝自己個病，如果唔係都唔知咁多人愛自己，呢次之後成個人開心好多，亦好接受老公身邊啲女人，有啲仲可以做埋朋友，但死黨就點都唔可以做返朋友，雖然明白當時對方好需要錢，不過咁樣就覺得無道義，天下咁多有錢人做乜唔熟唔食，情願借畀佢都好過搞人老公嘛！

其他文章：

↓立即下載星島頭條App↓

最Hit

16小時前

15小時前

4小時前

2025-01-24 06:00

20小時前

2025-01-24 12:07

12小時前

16小時前

2025-01-24 10:43

2025-01-23 12:15

星8卦丨「嬌嗲」任性離婚捱窮重病 前夫重情義照顧成為好朋友