「抽水王」遇到高手？被何太公開寸爆「腎容」有問題 林作直斥：想污衊我
發佈時間：13:28 2024-05-27
因為TVB節目《東張西望》的一則報道，令76歲何伯與年輕逾30年的新婚太太因450萬而與五子女反目的事掀起全城熱話。新何太成為網上熱爆人物，昨晚（26日）突然在抖音帳號「千語BB生活錄語」直播，被網民指她輕輕鬆鬆賺取逾萬元課金！「抽水王」林作出100萬邀新何太開班教煲湯，但最後被新何太一句KO了！
相關閱讀：何太直播與何伯咀嘴咀到啜一聲！冧爆：佢一晚五次㗎 疑袋逾萬元課金
林作出PO鬧爆新何太？
新何太公開直斥林作「腎容」有問題
自新何太被揭發有抖音帳號「千語BB生活錄語」後，連日來非常努力出po，又與網民玩你問我答，本來自爆在周三（29日）與何伯合體直播，殊不知昨晚（26日）突然直播，高峰時期更有數千人一同觀看！「抽水王」林作本來出手以100萬利誘新何太齊齊搞課程，不過最後被新何太拒絕，在昨日的直播上，新何太公開直斥林作「腎容（信用）」有問題，新何太說：「林作我唔想同佢合作，佢出嗰啲條件同講嗰啲嘢，完全唔係佢講嗰樣嘢，所以佢嘅『腎容』（信用）係有問題。」
新何太還語帶輕挑稱不會與林作反面
新何太還語帶輕挑地說：「冇，我唔會同林作反面，今次唔合作，或者第日仲有機會呢？係咪呀？」何伯在旁附和：「呢次唔啱啫，可能下次啱呢。唔好同反面人。」結果林作開PＯ怒罵新何太：「睇完何太直播，我真係火都嚟。你話你唔同我反面，日後話唔定有機會合作？！我做人敢愛敢恨，從不怕得罪人，我同你反面啊！等我又嚟做個直播，同大家分享你係點同我傾？睇下邊個係沒有誠意啲？PS 我個腎好好，絕對沒問題！」
重組何伯何太相戀時間線：
林作cap圖寸爆何太
聽到新何太口出狂言地表示如果老公成功取回450萬：「交畀我去打理嘅話，我肯定好努力，將450萬變成4,500萬，變成5億，變成50個億都有，我個目標係要搵夠1萬億㗎！」林作又cap圖寸爆新何太：「一開始爆粗我都由你，但係我真係X ，唔知原來你咁大理想要搵一萬個億。對唔住，係我錯，唔應該浪費時間喺個白卡度！你慢慢X你老公啦！」有網民留言說：「原來你真係同佢傾過？我以為你再抽水添，咁我真係好想知你哋傾嘅內容！」、「你都要輸俾河X！」
新何太直言不接受林作開出的條款
林作連日來一直公開邀約新何太合作，邀約金由10萬加至100萬，林作一度貼出與新何太的對話內容截圖，新何太稱對林作開出的條件有興趣合作，其後網上出現一段疑似是新何太的回應錄音，內容稱因為林作升了價才與他傾談，她還說：「我同佢具體傾，點知佢講啲嘢完全唔係嗰回事。」新何太稱原來出場費仍然維持10萬，最後計計埋埋新何太只會收到135萬，新何太直言不接受林作開出的條款。
林作今日再出po直斥「何太含血噴人」，他還說：「這根本不是我的說法，她連字都他X的看不懂！全程 WhatsApp 對話，我主要以文字表達，以可以白字黑字準確無誤為依歸，但她兩秒看完我一大段字就說『唔明』。我以為她只是扮傻，點知原來佢真係唔識字！我根本不是說只給她10萬！我是給出底薪+學費分成方式，係點計都似係過百萬，更不會要有任何業績要求，包括佢指控我話要1萬個學生先有錢分！含血噴人，想污衊我？！我答應過所有對話保密，但這一刻真的很憤怒，因為你屈我。各位網民，你哋覺得我好唔好公開對話？欺人太甚。」
其他文章：
何伯夫婦人氣直逼MIRROR成功課題目 何太自爆再上《東張西望》做帶貨KOL
東張西望丨何太疑嫌出手低？開班教煲湯要求分帳 林作加碼至100萬利誘
東張西望｜何太驚爆何伯擬改遺囑！親回林作重金聘合作 孖米芝蓮大廚開節目？
東張西望｜何太一原因看不上李龍基？2字親回被何伯子女破壞發財大計
東張西望丨何太做網紅？預告開培訓營拍片教煲湯 與何伯紅雨去醫院再買校服
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
