鄧兆尊自爆曾被女演員維修為名邀上門 以性感內衣恭候：好明顯係一個局
發佈時間：13:30 2024-05-16
鄧兆尊日前在YouTube節目《田豪祖3寶》又爆娛樂圈秘聞，鄧兆尊與二位主持傾提及翟威廉自認有海量性伴侶，鄧兆尊直言：「我覺得佢好真，好多嘢都事實。」鄧兆尊自爆曾有同劇女演員以「整個漏水嘅擺設」為名而邀請上門，對方以性感內衣色誘。
相關閱讀：鄧兆尊爆三女友鬧爆何太！ 送禮情節「懷疑何伯係抄我」 一理由勸何伯不要再做訪問
鄧兆尊自爆曾被女演員以性感內衣色誘：
鄧兆尊讚翟威廉比較坦白
對於翟威廉自認有海量性伴侶，鄧兆尊在節目上表示：「佢呢種係比較坦白，可能講出嚟都係諗住有個noise。」主持問到有否圈中人「送上門」玩SP？鄧兆尊坦言：「點會冇吖？以前有一個同我拍同一套劇嘅女演員，放咗工叫我幫佢整個漏水嘅擺設，佢話壞咗，問我可唔可以放工有時間嚟幫佢整？我話好，點知去到一開門，嘩，喱士睡衣，真係乜都凸晒出嚟咁滯，真好愕然！」鄧兆尊又說：「我好奇怪行入去間屋，點知佢仲同工人講：『鄧生我同佢冇嘢呀，佢嚟整嘢！』我一整完梗係即刻走啦，喺嗰個情景，嗰個喱士，好明顯係一個局，仲要跟落去？我去整漏水嘢啫，又唔係通水渠！」鄧兆尊再爆料：「收尾我知有人通錯咗，中咗招整咗，嗰個男人係結咗婚嘅，藝人嚟嘅，我唔知有冇手尾，只知個女星越搬越近嗰個男人屋企。」
翟威廉猛料背景：
鄧兆尊稱「玩家」通常有樣睇
主持問到是否找藝人做性伴侶會比較安全？鄧兆尊說：「搵藝人大家有保障呀嘛，你唔篤爆我，我又唔篤爆你，但藝人就好難招呼，男女都係一樣，大家都有身份，我冇理由一線食四線，四線一定受氣。而家出面有好多公關會安排好多嘢，試過有女藝人同我講話想賺啲錢，我答佢搵我都幫佢唔到，佢話：『你不如圈養我啦！』我咪話我做唔到呢樣嘢，所以介紹咗畀我朋友，個男仔冇結婚，我只不過撮合咗佢哋，都拍咗拖十幾年，作為同事介紹畀佢，而且對方單身，呢樣我覺得冇問題，但係其他嘢我係唔做。」鄧兆尊又稱「玩家」通常有樣睇：「通常都係得二種，單身未必係爛玩，通常結咗婚先爛玩，最高係出去玩，就係話話畀人知已經結咗婚呀喇，手機有晒啲仔女相，所以出去做咩，人哋都唔會追究你，唔好令到人有有憧憬，以為可以做女朋友。」
其他文章：
鄧兆尊爆「頂流歌星」揼邪骨走數！ 竟想唱一首歌代替：幾十億身家仲搞呢啲嘢
56歲鄧兆尊疑撇三女友北上會美女？面腫凸腩被嘲與洪卓立驚變「餅印兄弟」
翟威廉直認「SP玩家」贏盡好評封真漢子 5字親回TVB性伴名單？公開「選妃」要求
-------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
