鄧兆尊爆「頂流歌星」揼邪骨走數！ 竟想唱一首歌代替：幾十億身家仲搞呢啲嘢
發佈時間：18:00 2024-01-11
鄧兆尊經常擔任三位老友曾志豪、王耀祖及貴花田主持的YouTube節目「田豪祖3寶」的嘉賓，每次有他出現都會大爆娛樂圈秘聞。近日鄧兆尊又與三位主持傾談「揼霸王骨」，就一宗疑似按摩店被男顧客走數事件，繼而大爆娛樂圈都有不少人揼邪骨走數，甚至涉及「頂流藝人」。
相關閱讀：56歲鄧兆尊疑撇三女友北上會美女？面腫凸腩被嘲與洪卓立驚變「餅印兄弟」
鄧兆尊大爆有頂流歌星揼邪骨走數？
主持人王耀祖問到有沒有聽過「揼霸王骨」一事，鄧兆尊即指：「有，我呼籲同行以及任何人都好，除非你唔好出名，你出咗名有啲嘢你就唔好做。因為所有按摩師返到休息室一定講，一間通天之後就間間都通天，全香港都知你做過咩。」鄧兆尊坦言早聽聞有不少藝人「揼霸王骨」，並說：「多數都係話會畀幾錢貼士，可能話500蚊，但最終埋單就只係畀200蚊。骨鐘錢就一定走唔甩，通常都係走貼士！例如話：『我畀3,000蚊貼士你，你畀我掂一掂啦！』之類，點知出到去畀200蚊！大家明啦！」
鄧兆尊爆多藝人走數
王耀祖即心領神會，立即笑言：「我明喇！即係邪骨囉！攞着數仲要唔止攞人哋勞力，賤格到不得了。即係走肉金？」並追問是幾多線藝人，鄧兆尊回覆：「由頂流到最低都有！唔講名，試過有一個頂流歌星話：『嗱，我唱首歌畀你聽，你賺咗喇！一人演唱會呀！』（之後唔找數？）唔畀代支囉！」貴花田即憤怒指：「黐孖筋，咁Cheap都有嘅？」鄧兆尊即笑指其反應如按摩技師一樣，但事後才知被對方走數。
鄧兆尊享齊人之福：
鄧兆尊又指低地位的藝人尚可理解，因為賺錢能力不多，「又想玩特別嘢，唔想畀筆錢就走數。但嗰個頂流，幾十億身家仲搞呢啲咁嘅嘢，你真係好唔得囉！」主持人即時制止以免越爆越多，但鄧兆尊說：「你唔會知邊個，你要知就去嗰啲地方問任何一個都知，好定唔好大家都知！」不過，享有齊人之福的鄧兆尊卻強調自己去的都是「正經」地方，「唔正經」只是視乎個人行為，王耀祖立即說：「唔係個個人都鹹濕嘅，兆尊想鹹濕都冇力啦！係咪？」鄧兆尊即笑言王耀祖太了解他，免得被三位女友扭耳仔，並繼續爆料：「試過有對夫妻，明星嚟嘅，最好笑係包住個頭得番隻眼咁去，怕人哋認到佢哋。」
其他文章：
56歲鄧兆尊直播意外洩疑似婚照 暗示偷偷結紮力抗「阿三」逼造人
阮兆輝演藝70樂今宵丨鄧兆尊鼓勵鄧兆榮參加《中年好聲音2》用實力去唱 靠關係入圍都會失敗
中年好聲音2丨鄧兆尊細佬報名唱歌獻父母 曾因爭產頻現身與祥嫂和好做孝子
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
