鄧兆尊爆三女友鬧爆何太！送禮情節「懷疑何伯係抄我」一理由勸何伯不要再做訪問

更新時間：12:18 2024-05-15
發佈時間：12:18 2024-05-15

TVB《東張西望》報道76歲何伯與年輕逾30年的何太閃電再婚故事，引起全城關注。鄧兆尊亦有留意事態發展，昨日（14日）在YouTube Channel「田豪祖3寶」直播期間，鄧兆尊直言：「我懷疑何伯係抄我，佢買啲嘢咁似我買嗰啲嘢？」鄧兆尊還勸何伯夫婦不要再做訪問！

鄧兆尊點睇何伯事件？

鄧兆尊笑稱：懷疑何伯係抄我

鄧兆尊昨日現身YouTube Channel「田豪祖3寶」的直播，與主持貴花田和曾志豪談及何伯事件，鄧兆尊表示與三名女友都有一齊收看，他更笑稱「嗰對龍鳳鈪犀利過超人！」對於何太聲稱「佢愛我咪買好多嘢畀我」的言論，惹來不少太太異議，問到有否受影響，隨時「一闊三大」？鄧兆尊笑說：「冇，我冇受到影響，我懷疑何伯係抄我，佢買啲嘢咁似我買嗰啲嘢？龍鳳鈪我冇，我冇佢咁叻，但鑽石耳環、戒指都有買過嘅，係識咗之後先買，得到咗個肉體，係我畀佢。」鄧兆尊還說：「三位都係一面倒覺得衰，就算第三個都係咁講，煲湯呢樣嘢，我好簡單咁講一句，我識好多內地人為咗攞身分證，結婚之後再離婚，之後再搵自己鍾意嘅嘢。呢樣真係冇得講，到咗呢個年紀搵個伴好應該，不過係你哋低俗睇錯咗啲啫！」

鄧兆尊撐何伯自己賺的錢應該自己用

鄧兆尊再被問何伯應否給新何太100萬？他說：「你自己搵番嚟嘅錢，就算去澳門一鋪過買100萬都得呀，自己搵呀嘛，使得快定使得慢都係冇分別，呢方面我撐何伯。」之不過講到何伯覺得真金換真心，鄧兆尊就說：「一個女仔咁樣衝埋嚟，你自己feel到喇，做咗咁多年人，不過我會睇吓好唔好食，好食再嚟幫襯囉。」主持追問鄧兆尊會否替何伯斷症？鄧兆尊笑說：「唔使我幫喇，佢而家得番4000幾蚊，如果女仔咁愛佢，會照顧佢喇，一日三餐佢包晒，仲有湯飲！」在直播上，鄧兆尊亦有分享自己的經歷：「我呢就好抵死，你越要我就唔畀，你唔要嗰啲我就會畀你，你有有釣過魚呀？落咗餌要chok下chok吓，條魚先會上釣，（你要chok幾耐先會上釣？）視乎嗰條魚聰唔聰明囉！」

東張西望丨何太大晒流星錘大龍鳳鈪！

鄧兆尊直言何伯說話好明顯綵排過

何伯在《東張西望》的訪問上，曾提到「個個女人埋身，啲仔女都會反對」，鄧兆尊直言說：「何伯講呢番說話好明顯綵排好耐，經過太太訓導同綵排好耐先講，如果唔係冇理由咁清晰而隔離嗰個又唔駁嘴嘅。到佢哋呢個年紀，你哋啲後生未必知道佢哋追求啲乜嘢，可能想有人陪住佢行街。」言談間鄧兆尊叫何伯夫婦不要再做訪問：「你哋唔夠TVB玩嘅，連續劇做足半年就無謂啦！而家先講買嘢，下集講公屋，一個話題可以玩一個禮拜，連福祿壽都扮啦！睇嘢清晰啲！仔女唔會出場喇，其實對成家人嚟講係輸晒。」

其他文章：

東張西望丨盤點何伯何太15大金句！何伯對何太一見鍾情：我留返自己用

東張西望丨何伯終極篇預告！何太18歲兒子出場力撐媽咪：我會全力支持你

東張西望丨76歲老翁搭上43歲內地婦火速再婚與五子女反目450萬存款不翼而飛？

東張西望丨何太突轉口風為應付生計已變賣流星錘龍鳳鈪網民質疑前言不對後語

東張西望丨梁敏巧被何伯摸大髀？容羨媛轉發一圖關注何伯婚姻狀況

東張西望丨何太為珠寶名牌袋解畫！再晒何伯所贈10萬元流星錘龍鳳鈪梁敏巧睇到嘩嘩聲

-------------------------------------

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow