元祖級𡃁模自爆墮「新劇本」電動輪椅騙案！ 機警靠兩特徵識破騙徒
發佈時間：15:00 2024-04-29
現年39歲、「元祖級𡃁模」鄧洢玲（阿旦）近年專開了按摩店，希望可以殺出新血路，日前鄧洢玲在開live自爆「我中咗有劇本嘅電話詐騙？？」言談間無奈地說：「點解呢個世界有咁多壞人呢？」
相關閱讀：38歲鄧洢玲遊泰大量泳衣Look解放好身材 順應網民訴求公開澎湃正面照
鄧洢玲自爆「我中咗有劇本嘅電話詐騙？？」：
鄧洢玲開live表示自己被電話詐騙
鄧洢玲今次在IG開live表示遇上電話詐騙並說：「冇畀人呃啲乜嘢，純粹分享吓經歷。今次分享都係畀大家打個底，希望大家都唔好中招。」鄧洢玲稱這次遇上電話詐騙與以往大眾所知不同，形容是個「新劇本」：「有一個人cold-call嚟按摩店，話想搵負責人。話嚟緊想做一個包場活動，連續包兩日，話有32個人上嚟按摩。」鄧洢玲稱當時叫職員whatsapp對方，但這「客人」卻沒回覆，過了一段時時間「客人」才回電表示轉了電話號碼，要負責人致電他另一電話，然後鄧洢玲就很快收到whatsapp電話來電。
鄧洢玲接獲護老院負責人來電
鄧洢玲表示對方是聲稱自己是一間護老院的負責人：「嗰個負責人係一個男人，講廣東話但係口音唔正，一開始所有嘢都非常正路，話希望帶老人家出去走吓，曬吓太陽，按吓摩。」本來鄧洢玲提議一可以上門按摩，不過就被拒絕，接着傾談了非常多細節，當時仍不覺得對方有何問題，她還說：「對方還說：『你記得畀多啲discount我喎，因為呢件事都係我處理。我一路都會搵你。』嗰晚我都冇乜為意，因為同緊朋友食飯，佢就好急咁追我開Invoice畀佢，其實佢係催我畀Invoice，好奇怪。」可是翌日早上，鄧洢玲收到對方連續多個whatsapp call，表示下午轉錢到戶落訂：「臨收線之前佢就講：『鄧小姐你會唔會識得有人買電動輪椅？因為聽日有人嚟巡查，需要25部指定牌子指定型號。』」
鄧洢玲在找尋期間，又再收到對方電話，表示希望鄧洢玲幫他們在某店買電動輪椅：「佢話因為自己同個老闆有拗撬，所以對方唔肯賣畀佢。去到呢度，我都覺得咁奇怪嘅。我未見過你，又唔係咁熟，點解要幫你買？我就打去問，問吓幾錢有冇現貨，再轉介返畀佢。」原來今次是逐步設下陷阱，鄧洢玲說：「佢點樣呃我呢？佢畀咗個contact我，我就問佢有冇現貨，佢哋又好快覆我喎。正常深圳公司唔會咁快，同埋佢哋唔會用whatsapp。」靠住兩個重點識破騙局。
鄧洢玲上演泳衣放題：
鄧洢玲代購輪椅主動平2千蚊
鄧洢玲稱這公司希望與新客戶有合作關係，所以會給予批發價，又指只需先付一半訂金：「我奇怪，點解所有嘢都咁順，佢又係用whatsapp打電話畀我，同埋正常佢係用wechat。最古怪係咩？佢係一部輪椅主動平2千蚊畀我！即係話25張輪椅，每張2千，就係5萬。如果你有貪念幫人做呢個trade，你就可以賺到5萬蚊呢，你就太天真啦！」鄧洢玲覺得成件事很古怪，於是上網查這間護老院，然後直接打去查詢：「我問有冇個林生，佢哋話冇。再問多句：『你哋禮拜四五有冇一個活動係帶老友記出去？』佢哋就話：『冇喎！真係冇喎！』咁我就知係個電話詐騙。」
雖然這個聲稱是護老院負責人的男子，傳了一張寫有乜乜乜護老院轉了25萬買輪椅的receipt，鄧洢玲查戶口時，發現佢真的有25萬存入她的戶口，不過鄧洢玲發現這筆「25萬」是由支票入帳，即要第二天才可以收款，鄧洢玲稱肯定是一場騙案，於是拒為對方付款：「跟住另一邊就話：『唔緊要，我過住關先，你求其過住幾萬蚊畀我先啦！』即係用到求其過住幾萬蚊，呃我廿幾萬變十幾萬，然後到幾萬蚊都殺，咁我梗係冇理佢啦。」最後表示對方也沒再聯絡她，而鄧洢玲亦打了電話向銀行報備。
其他文章：
38歲「元祖級𡃁模」鄧洢玲放解性感 著比堅尼晒玉背蜜桃臀 網民求正面圖
鄧洢玲加盟做主持唔抗拒穿比堅尼 林盛斌唔敢做「司儀界古天樂」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
