麥明詩融入盛勁為家中失敗？黃雨帶外甥遊主題公園 揹10萬Hermès手袋認戇居
發佈時間：16:30 2024-04-22
「十優港姐」麥明詩（Louisa）上月與飛機師盛勁為（Keith）結婚，搞足三場婚禮之餘，連日來又「唧牙膏式」在社交網連環分享當中點滴及花絮照，結果令大批網民感煩厭。麥明詩之後道出苦衷，出Po道歉解釋是為做好老婆，隨即贏得民心，而這位好老婆也努力學習做好融入夫家的工作。
相關閱讀：麥明詩為「唧牙膏式」貼婚照致歉：要Po多X日忍忍 4字親回網民擔心冇時間洞房
麥明詩自嘲無腦兼失敗？
近日香港天氣持續不穩定，昨日（22日）更發黃雨警告，令一心想做好舅母的麥明詩也甚為掃興，她在IG發文指：「今（昨）日星期日難得約到成班親戚一家大細去海洋公園，做個稱職嘅舅母帶兩個姨甥同動物say hi。出門口嘅時候啲雨落下落下，諗住大部份時間都係室內睇動物應該OK。點知自己過分天真，一到公園門口就狂風暴雨，搞到成班人好似走難咁款。唉剛做舅母就失敗收場，好彩有幾隻動物公仔氹住兩個小朋友話下次再嚟過。」
盛勁為：最後病埋
從麥明詩分享的片段所見，主題公園門外橫風橫雨，雖然大家都撐傘，但似乎作用不大，在場不少小朋友攬住大人，尖叫聲不絕，有如災難片現場。身穿小背心，揹起約值10萬元的Hermès Mini Lindy手袋的麥明詩，與穿上雨褸的盛勁為雖受風吹雨打，但兩人依然笑容滿面，一同面對困難，果然勁甜蜜。不過麥明詩就為小朋友用表情失落的熊貓Emoji遮面，似乎真的很失望，盛勁為就搞笑地以經典廣告台詞留言：「唔通連個天都唔鍾意我？」有網民就留言指正：「舅母係配外甥呀」，麥明詩則笑回：「唔識呀」，另有人留言：「你仲要呢個袋雨天出街兼配牛仔褲！勇！」麥明詩亦自嘲：「係戇居，冇經大腦」，之後盛勁為更在IG Story出Po指：「最後病埋」。
麥明詩盛勁為三場婚禮各有主角：
其實小朋友也不用失望，盛勁為一向愛錫家人，基層家庭出身的他有兩姊一弟，一家人感情好之餘，長大後也各有成就，而盛勁為也不時與家人外遊，也經常分享湊小朋友的照片，非常有愛心。至於其太太麥明詩也肯定是好新抱，早前在圍村舉辦婚禮，便邀得奶奶的偶像李龍基做嘉賓，麥明詩又不介意老公出身，跟他回屯門景田邨父母家拜年，之前她向網民解釋不停分享婚禮花絮時，並發文指：「Sorry真係唔想Po咁多嘢阻住大家咁，只不過真係有唔少品牌同埋朋友要多謝番。之前亦都希望應使則使、可慳則慳（幫盛生慳！）所以拜託大家忍耐一下。」
其他文章：
麥明詩唧牙膏式貼結婚相激嬲網民！再晒大紅高衩裙襯金器送客相驚見溫拿成員
麥明詩盛勁為結婚丨麥明詩親解搞三場婚禮原因 自爆完事瞓足一星期先復原
麥明詩結婚穿美牌Deep V婚紗索價X萬 盛勁為開工順便「度蜜月」？
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
