麥明詩唧牙膏式貼結婚相激嬲網民！再晒大紅高衩裙襯金器送客相驚見溫拿成員
發佈時間：17:00 2024-04-11
「十優港姐」麥明詩（Louisa）與飛機師老公盛勁為（Keith）上月搞足三場婚禮，成為一時佳話，連舊愛林作都不禁抽水稱與裕美在全港18區每周辦一次婚禮，當以為這壇喜事圓滿結束，未料近日於社交網「唧牙膏式」連環分享當中點滴，終於令網民生厭寸爆「分享症」發作！
相關閱讀：麥明詩盛勁為結婚丨麥明詩親解搞三場婚禮原因 自爆完事瞓足一星期先復原
麥明詩「分享症」發作被轟：
麥明詩不單止大搞三日婚禮，連婚禮花絮照亦「馬拉松式」分段日日發布，繼前晚（9日）於社交網出Po詳談擺三次喜酒的原因後，不足一日又於IG上載8張「送客」火紅晚裝照，她以英文寫道：「我喜歡的紅色送客晚裝……它變成一條派對裙！！！！與金鈪十分陪襯 #唔係假酒 #跟足傳統」可見麥明詩穿上一襲高衩Tube dress盡騷長腿，到First dance時裙擺搖身一變至及膝蓬裙，當中溫拿五虎之一的彭健新原來亦有到賀。
麥明詩盛勁為婚禮靚相：
雖然一對新人獲得不少粉絲祝福，但連日密集式的「勁甜麥」轟炸，開始惹一班網民反感，紛紛炮轟兩人似做Show：「好膩」、「煩X到呢」、「做大龍鳳」、「晒夠未？！」、「見好就收啦」、「估唔到結完婚仲有咁多嘢講」、「個女人真係好鍾意見報」、「其實都會戥佢哋開心嘅，但係唔知要講幾耐」等，究竟麥明詩仲有幾多「貨」打算分享呢，大家拭目以待。
其他文章：
麥明詩結婚穿美牌Deep V婚紗索價X萬 盛勁為開工順便「度蜜月」？
麥明詩盛勁為結婚丨新郎春宵一刻塞頭入馬桶狂嘔 醉眼惺忪自隊茅台一飲而盡
麥明詩盛勁為結婚丨搞足四場婚禮終簽紙？場內田園風布置曝光 朱千雪挺巨肚觀禮
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
