李龍基上梁思浩節目爆喊！與未婚妻王青霞患難見真情：佢每日寫信畀我
發佈時間：14:15 2024-04-13
73歲李龍基因年小36歲的未婚妻王青霞（Chris Wong）涉造假引發軒然大波，王青霞今年2月被控逾期居留、使用虛假文書等6罪，目前還押於大欖女懲教所看管，事發後李龍基風雨不改去探對方，還數度於公開場合感觸落淚，對未婚妻情深令人感動。相隔多時，李龍基近日驚喜現身梁思浩主持的網台節目《娛樂好好玩》，席間談及王青霞再次流下男兒淚。
相關閱讀：逆天奇案2丨李龍基做大地主有6層樓！四字對白引網民熱議：引用真人真事？
李龍基作客《娛樂好好玩》灑淚：
節目中談到未婚妻王青霞是非纏身，李龍基坦言心情少不免受影響：「當初事情一發生嘅時候，事實影響都好大，我直情係做乜嘢都冇晒心機，甚至乎玩……好多人知道我鍾意模型飛機，模型飛機我都冇晒興趣去玩。（梁思浩：完全冇動力？）冇！」問到是否猶如世界完了？李龍基即點頭附和：「係！Exactly，一模一樣！」並坦言事發後約維持一星期難以進食及入睡，笑指不少人都覺得他身形Fit了，亦發覺身邊不少好友很關心自己，日前更獲2020年友誼小姐鄺美璇的父親越洋致電慰問。
李龍基獲王青霞鼓勵上節目
談到向王青霞提及作客該節目，李龍基透露︰「原來佢當年都透過你個節目捐棺。（梁思浩：咁佢一定無事！）感謝你感謝你，我老婆話『思浩好幫你㗎，你快啲，要做好啲呀』。」被問到是否共患難後感情昇華？他說：「呢個我絕對認同，佢而家每日寫一封信畀我。」語畢感性的李龍基即眼濕濕，合十雙手一度語塞，他續道：「以前聽人講患難見真情，當你遇着咁嘅情況，就會對呢句嘢好深刻，當然除咗愛情，友情都好緊要。」
李龍基未婚妻王青霞被揭醜聞：
此外，梁思浩亦自爆2001年發生「大到不得了」之事件，當時有家歸不得，要暫住安全屋：「嗰時衫都冇，係佢哋（警方）買畀我，我打畀吳家樂『可唔可以同我傾陣電話呀？』，佢話『你做咩呀？你啲電話係咪俾人監聽緊呀？』，我話『係呀』，朋友就係咁真心，佢冇Cut我線。」並謂也很感激另一名好友森森，「呢兩個朋友係經歷過抄身份證、蒙住對眼帶入安全屋，因為唔可以俾佢哋知我住喺邊，即係好似綁架咁，佢哋都要嚟探我，我一見到森森啲眼淚呢……我話『咁你都嚟探我』，佢話『就係咁我更加要出現』。」
其他文章：
李龍基開騷林作帶裕美踩場 基哥寸爆抽水王：Louisa嫁咗啦！
李龍基拍MV落泊做「深情大叔」 被大媽邀合照一舉動遭網民揶揄
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
