富婆女星深圳一日遊潮歎平民美食！淡出幕前進駐豪宅 曾自爆有29個男友被封「雜食專家」
發佈時間：15:30 2024-04-04
現年41歲的前女子組合Cookies成員區文詩（Angela）本周一（1日）突然於社交網宣布復出，不過並非做歌手，而是重返香港電台第二台為 《MUSIC ANGEL》擔任主持。剛投入新工作的她今晨（4日）則於IG上載多張照片，透露跟潮流北上一日吃了玩樂，獲網民大讚貼地。
相關閱讀：前Cookies成員區文詩宣布復出！富貴生活過得寫意 自覺係時候重操故業
區文詩貼地遊深圳：
多年來投資有道的區文詩自淡出幕前工作後，生活越來越富貴，除家住西半山年豐園一個頂層連天台單位及車位，實用面積達1,194平方呎外，更有保時捷跑車代步兼擁有多個Hermès手袋，又不時晒超豪遊艇、周遊列國的照片，因而獲封圈中「超級富婆」。經常出入高級食府的區文詩，今日一反「常態」於IG貼出深圳一日遊，狂擦當地Hit爆平民美食的照片，包括醬香拿鐵、冰糖葫蘆、臭豆腐、上海湯麵、中式燒烤等，每餐人均都不過100人民幣，既實惠又飽肚！
區文詩即興買喼掃貨
其間，區文詩又到大型倉儲式超市山姆（Sam's Club）掃貨，可見她的手推車載滿面膜、益力多、豆乳夾心麵包、冷藏意大利麵等食物及日用品，更疑似即場購入一個大行李箱「帶貨」返港，相當誇張，不少網民都大讚她生活貼地。
區文詩晒豪宅：
區文詩2003年被唱片公司脫離Cookies後，曾加入了港台做DJ，亦曾在YouTube頻道拍攝煮食片，她曾表示當時Cookies由9變4，自己被Out是全不知情：「我哋係睇雜誌先知，應該咁講，我哋收到風，因為當時我哋轉公司，知道應該會發生，但冇人正面同我講；直至有雜誌出咗，我哋先知道原來我係被退團嗰個，嗰陣時唔興叫退團，係叫單飛發展，變咗我哋係『餅碎』。雖然我哋好細個入行，但內心都訓練到好強大，所以都冇特別難受。」單身多年的區文詩亦自爆拍過29次拖，男朋友國籍遍全球，包括港、日、韓、英、美、意等，一度被網民譽為「雜食專家」！
其他文章：
前Cookies成員區文詩瘦到見骨！身形薄如外賣膠刀 馬主廂房開餐再晒富貴生活
區文詩41歲生日Cookies又三缺一！楊愛瑾吳雨霏疑再避同場 不和傳言未破
區文詩包房豪歎米芝蓮三星意大利菜 老饕級享受當造白松露 TVB小花皆是座上客
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
