洪永城細女鼻樑飆高有望搣甩「Sir Face 2.0」？梁諾妍幸奶水充足爆囡囡好擦得
發佈時間：20:30 2024-03-26
洪永城與太太梁諾妍（Inez）於2021年結婚，同年誕下女兒「Sir Face」洪靖嵐（Amber），上周六（23日）宣布細女Beryl已出世，萌B照曝光後即被網民封為「Sir Face 2.0」，今午（26日）梁諾妍再貼出囡囡最新相片，可見Beryl樣子又有些變化。
相關閱讀：洪永城老婆自爆奶水充足餵細女 Sir Face唱歌𠱁胞妹一舉動出賣姊妹情
洪永城細女Sir Face 2.0最新萌照：
梁諾妍於IG分享細女Beryl多張特寫照，可見囡囡不但手指腳趾修長，鼻樑似乎亦越來越高，惟獨鼻頭依舊長滿肉，十足家姐「Sir Face」Amber，獲不少網民都大讚可愛︰「BB好可愛似Sir face家姐，即係又似爸爸啦」、「個鼻好靚」、「脹卜卜好可愛」，其間來探望母女的洪永城則坐在一旁上網，有網民估計他「好努力咁刨親子王國」。
洪永城一家溫馨照：
連日來不少好友都來探「Sir Face 2.0」，梁諾妍亦於IG Story轉發合照，不怕陌生的Beryl被姨姨們抱實，依然瞓得笑甜仲露出淺淺微笑，相當可愛。此外，梁諾妍透露Beryl「繼續好食得」，今日凌晨又貼出人奶照，自揭依然奶水充足：「產後第4天，埋完身姑娘建議泵清佢，先能夠製造更多（奶），埋完身再泵都有30ml，好感恩。」並留言「復原加油」、「餵奶加油」為自己打氣。
其他文章：
洪永城細女出世！老婆梁諾妍晒B女照報喜 「Sir Face 2.0」被爸爸緊抱現嫌棄表情？
洪永城老婆晒DIY性感大肚寫真 四肢纖幼上圍升Cup 親揭長胎不長媽媽肉秘訣
洪永城老婆懷孕37周體重變輕？ 「Sir Face 2.0」最新超聲波輪廓曝光
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
