洪永城老婆自爆奶水充足餵細女 Sir Face唱歌𠱁胞妹一舉動出賣姊妹情
發佈時間：18:00 2024-03-24
洪永城與太太梁諾妍（Inez）於2021年結婚，同年誕下女兒「Sir Face」洪靖嵐（Amber），昨日（23日）洪永城夫婦宣布細女Beryl已出世，並公開一家四口合照，網民即封BB女是「Sir Face 2.0」。洪永城老婆梁諾妍今日在社交網的限時動態出帖文，透露餵人奶，而大女Sir Face就唱歌與妹妹交流。
相關閱讀：洪永城細女出世！老婆梁諾妍晒B女照報喜 「Sir Face 2.0」被爸爸緊抱現嫌棄表情？
洪永城囡囡Sir Face唱歌𠱁細妹？
洪永城與太太梁諾妍今日在社交網的限時動態新相，透露接近清晨6時，已成功餵母乳，她留言：「05:59 好感恩已經好上奶，已經可以全人奶啦，妹妹都好叻，越食越叻日日進步」，梁諾妍的照片見到B女頭靠媽媽，估計是在進食。而梁諾妍分享另一條片，表示：「家姐話要唱《Baby Shark》俾妹妹聽」，見到大女Sir Face在醫院內唱《Baby Shark》，而細妹正在瞓覺，不過Sir Face成條片未望過妹妹一眼。
洪永城細女好笑容
昨日洪永城晒出細女的照片，梁諾妍休息過後，也有分享新相，見到BB已經清潔過身體，五官非常可愛，一雙眼合埋變成兩條線，瞓覺時嘴仔微微張開，好似笑緊一樣。梁諾妍留言：「呀妹好似成日都笑緊咁！」不少網民大讚「Sir Face 2.0」得意，又留言：「鼻仔好有肉」、「妹妹好似媽咪！恭喜！」
相關閱讀：洪永城老婆晒DIY性感大肚寫真 四肢纖幼上圍升Cup 親揭長胎不長媽媽肉秘訣
洪永城一家溫馨照：
其他文章：
洪永城老婆懷孕37周體重變輕？ 「Sir Face 2.0」最新超聲波輪廓曝光
洪永城老婆「巨B」陪同下宣布第二胎性別！夫妻咀嘴報喜 Sir Face做家姐現呆樣
渣打馬拉松2024丨Sir Face媽咪又有創舉！梁諾妍陀B七個月完成10公里賽事 洪永城出招護老婆
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
